Athleticeko egungo Zuzendaritza Batzordeak ez dio taldean jarraitzeko eskaintzarik egin, dio Iñigo Martinezek
Athleticeko egungo Zuzendaritza Batzordeak (Jon Uriarte presidenteak zuzentzen du hori, eta 2022ko ekainaren amaieran hasi zen lanean) ez dio "inolako eskaintzarik" egin Iñigo Martinezi, jokalariaren komunikazioaz arduratzen den bulegoak asteartean, ohar baten bidez, zehaztu duenez. Ohar horretan, "irmoki" gezurtatu egin dute Athleticek ordu batzuk lehenago esandakoa; hain zuzen, Bilboko klubak ofizial egin duenean atzelariak ez duela taldean jarraituko adierazitako kontu batzuk.
Egungo Zuzendaritza Batzordeak ez dio eskaintzarik aurkeztu Ondarroako futbolariari, "negoziazioan aurreko Zuzendaritza Batza geratu zen puntua barneratuz ere ez", nabarmendu du aipatutako bulegoak bidalitako oharrak. Iñigo Martinezek, hortaz, ez dio ezezkorik eman Athleticen eskaintzari, "eskaintzarik ez baita izan. Harrituta eta sinesgaitz gaude klubak emandako komunikazioaren aurrean; gure iritziz, lizuna da, eta asmoa da erantzukizunik gain ez hartzea".
Jokalaria, egoera honengatik, "minduta dago, inoiz ez baitu nahi izan kluba desegonkortu edo kaltetu".
Astearteko lehen orduan, Athleticek baieztatu egin du Iñigo Martinezek ez duela taldean jarraituko, datorren denboraldian: "Azken bi denboraldietan hainbat negoziazio saiakera egin ondoren, Iñigo Martinezek kontratua luzatzeko klubaren eskaintzari uko egin dio", zabaldu du Bizkaiko taldeak. Halaber, Iñigo Martinezek ere baieztatu du, sare sozialetan bideo bat partekatuz, Athletic utziko duela, "beste kirol erronka bati heltzeko garaia" iritsi dela uste duelako.
Atzelaria Bartzelonan da, eta baliteke laster ixtea fitxaketa Bartzelonarekin, hurrengo bi denboraldietarako.
Zure interesekoa izan daiteke
Yeray Alvarez: “Nire ibilbidea Athleticen amaitzea da nire ametsa”
Yeray Alvarezek kontratua berritu du Athleticekin 2028ra arte. Atzelaria oso pozik agertu da akordioarekin eta "jokatzen jarraitzeko inoiz baino gogo handiagoarekin". Prentsaurrekoan, jokatu ezinda eman dituen 10 hilabeteei buruz eta Edin Terzic entrenatzaile berriari buruz ere hitz egin du. (Bideoa gazteleraz)
Yerayk 2028ra arte luzatu du kontratua Athleticekin
Barakaldoko erdiko atzelariak bi denboraldiz gehiagoz sinatu du, kontratua hiru urte arte luzatzeko aukerarekin. "Bi aldeek nahi dutenean, dena oso erraza da. Oso pozik nago kontratua berritzearekin eta beti errepikatuko dut nire ametsa nire ibilbidea hemen amaitzea dela", azpimarratu du Yerayk.
Edin Terzić egokia al da Athleticen entrenatzaile izateko?
Mendeneko entrenatzailea, San Mamesko aulkiko maizter berria eta Ernesto Valverderen ordezkoa, Athleticen historiako bigarren entrenatzaile alemaniarra izango da Jupp Heynckesen atzetik. Terzićek aita bosniarra eta ama kroaziarra ditu, eta Dortmunden Kloppen oinordekotzat hartzen dute.
Edin Terzić izango da Athleticen entrenatzailea datozen bi denboraldietan
Talde zuri-gorriak X kontuan argitaratutako ohar baten bidez eman du entrenatzaile alemaniarraren fitxaketaren berri. Mendeneko entrenatzailea Athleticen historiako bigarren entrenatzaile alemaniarra izango da Jupp Heynckesen atzetik. Alemaniarra da, baina aita bosniarra eta ama kroaziarra ditu.
Ernesto Valverde: “Lasaitu handia hartu dugu, inork ez daki zer sufritzen den hor behean"
Ernesto Valverdek 500 partida bete ditu Athleticen aulkian, Alavesen aurka irabazi eta Athleticek Lehen Mailan jarraitzea ziurtatu duen egunean. Entrenatzaile zuri-gorriak lortu du. Zuri-gorrien entrenatzaileak jokalari eta teknikarien "sufrimendua" azpimarratu du.
Oihan Sancet: “Bagenekien partida hau irabazi behar genuela goian egoteko”
Oihan Sancet Athleticeko jokalariaren adierazpenak, EA Sports Ligako 34. jardunaldiko partidan bere taldea Alavesen aurka 2-4 gailendu ostean.
Athleticek garaipena erdietsi du Badalonan (0-1)
Athleticek 0-1 garaitu du Badalona Women, Ane Azkonak sartutako golari esker. Horrela, zuri-gorriek aurrea hartu diote Kataluniako taldeari F Moeve Ligako sailkapenean, eta 8. postuan kokatu dira.
Valverde: “Indar handiarekin ikusten dut Alaves"
Athleticeko entrenatzailearen arabera, larunbatean Mendizorrotzan jokatuko den derbian asko dago jokoan. Horren ustez, bere taldeak garaipena lortzen badu, oso aukera polita izango du goiko postuetan finkatzeko, baina talde indartsua eta arriskutsua izango dute aurrean, eta oso une onean dagoen aurrelari bat: Toni Martinez.
Valverdek eta Nico Williamsek, serio, lan saioa hasi aurretik elkarrizketa izan dute
Entrenaitzaile zuri-gorria eta jokalaria luze aritu dira hizketan, eta badirudi prestatzaileak, aurpegi serioarekin, azalpenen bat eskatzen ziola jokalariari, eta horrek ere serio erantzuten ziola. Gainerako jokalariak berdegunera atera aurretik izan da elkarrizketa.
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.