Athleticek Iraolaren Rayo Vallecano garaitu du San Mamesen (3-2)
Athleticek 3-2 irabazi dio Rayo Vallecanori San Mamesen eta Txapeldunen Ligan 'lo' egiteko aukera ematen dioten hiru puntu lortu ditu, Bartzelonaren eta Real Madrilen atzetik, igandean Ligako seigarren jardunaldia bukatzearen zain.
Williams anaiak, Iñaki eta Nico, nabarmenenak izan dira San Mamesen. Anaia zaharrenak, Iñakik, Rayoren gol goiztiarra berdindu du, eta Nikok, txikiak, antzeko beste jokaldi batean, 3-1ekoa itxi du. Bien artean, Oihan Sancetek 2-1ekoa lortu du, Iker Muniainek bi aldiz barkatu ondoren. Radamel Falcaok emozioa eman du partidaren amaieran 3-2koa sartuz.
Hori guztia Ernesto Valverde maisuaren eta Andoni Iraola ikaslearen arteko dueluan aurreikusten zen partida handiaren barruan.
Rayok hobeto ekin dio partidari, 0-1ekoarekin.
Azkar erantzun du Athleticek, 8. minuturako berdindu baitu markagailua. Baina Iñigo jokaldiaren hasieran jokoz kanpo zegoen eta gola bertan behera geratu da.
Athleticek ez du etsi, Williamsek motorrak berotu dituzte eta norgehiagokak bisitariak harrapatu ditu. Hala, lehen gola sartu du anai zaharrenak, Dani Garciak defentsaren bizkarrera egindako pase on baten laguntzaz.
1-1ekoarekin partida hartu-eman bat bihurtu da, eta Athleticen alde egin du horrek, Muniain, Berenguer eta Sanceten arteko triangulazio batean iritsi baita bigarren gola. Erdilari gazteak bakar-bakarrik errematatu du penalti-puntuan.
Defentsaren bizkarreko beste baloi batean, Yerayk Nikoren lasterketa ikusi du, eta Williamseko gazteenak 3-1ekoa jarri du.
Aurretik, 1-2koa lortu dute bisitariek Camelloren golarekin, jokoz kanpo argi batean; eta, ondoren, 4-1ekoa, Iñakiren golarekin, Sanceten paseari esker, jokoz kanpo estu batek baliorik gabe utzita.
Etxekoen laugarren gola ez da iritsi eta azken txanparako gauzak askoz parekatuagoak utzi ditu bisitariak egin duen bigarren golak.
Athleticen eta Katedralaren beste ezagun zahar bat, Radamel Falcao, izan da berriro golegilea, Iñigo Martinezi erdiraketa batean aurrea hartuta.
Fitxa teknikoa
3 - Athletic: Unai Simon; De Marcos, Yeray, Iñigo Martinez, Lekue; Dani Garcia, Sancet (Herrera, 65. min), Muniain (Zarraga, 79. min), Nico Williams (Morcillo, 79. min), Berenguer (Paredes, 90. min) eta Iñaki Williams (Raul Garcia, 90. min).
2 - Rayo Vallecano: Dimitrievski; Balliu, Catena, Lejeune (Mumin, 79. min), Fran Garcia; Comesaña (Unai Lopez, 69. min), Oscar Valentín (Pathe Ciss, 46. min); Isi Palazon, Trejo (Bebe, 90. min), Alvaro; eta Camello (Falcao 79. min).
Golak: 0-1, 14. min: Trejo. 1-1, 14. min: Iñaki Williams. 2-1, 28. min. Sancet. 3-1, 33. min: Nico Williams. 3-2, 80. min: Falcao.
Epailea: Mateu Lahoz. Txartel horia atera die Dani García (45. min) Oscar Valentin (21. min) eta Pathe Ciss (67. min) jokalariei.
Zure interesekoa izan daiteke
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.