Athleticek porrota jaso du Real Madrilen aurka partida ona jokatu duen arren
Athleticek porrota jaso du Real Madrilen aurka (0-1) San Mamesen jokatu duen Ligako 34. Jardunaldiko partidan. Ondorioz, talde zuri-gorriari zaildu egiten zaio Europara sailkatzeko helburua.
Real Madrilek hobeto ekin dio norgehiagokari, eta lehen abagunea izan du 4. minutuan, Asensiok jaurti eta Unai Simon atezainak desbideratu duen jaurtiketa baten bidez; aldaratzea Carvajalek jaso du, baina jokalari madrildarraren erdiraketa ez da ona izan. Athleticen erantzuna bi minutu beranduago heldu da, Williamsek Courtoisekin izan duen buruz burukoan, baina aurrelari zuri-gorriak ez du asmatu, eta jokaldia baliogabetuta egon da, jokoz kanpoko posizioagatik.
Ondoren, Real Madril izan da baloiaren jabe, abagune argirik sortu gabe, eta Athletici asko kosta zaio zelai erditik pasatzea. Zidanek zuzentzen duen taldeak izan du aurrea hartzeko aukera 22. minutuan, baina Rodrygoren errematea kanpora joan da oso gutxigatik. Ia jarraian erantzun du talde zuri-gorriak, gutxigatik kanpora joan den Williamsen jaurtiketa batekin. Neurketako 26. minutuan, Yerayk zelaia utzi behar izan du min hartuta, eta Unai Nuñezek ordezkatu du. Ura edateko hutsartearen ostean, Gaizka Garitanok zuzentzen duen taldeak ordura arteko abagune onena izan du; Williamsen errematea loratua, ordea, langa gainetik kanpora joan da. Atsedenaldira iritsi aurretik, 45. minutuan, Asensiok erdiraketa ona egin eta Benzemaren errematea kanpora joan da, oso gutxigatik.
Bigarren zatiari erasokor ekin dio Real Madrilek. Hasi eta lasterrean, Unai Simonek Modricen jaurtiketa gelditu du. Neurketako 49. minutuan, Benzemak baloia kontrolatu du area barruan, baina ez dio jokaldiari amaiera ona eman. Athleticen erantzuna kontraeraso baten bidez etorri da, baina Raul Garciaren erdiraketa Courtois atezainak harrapatu du, Williamsen errematerako aukera ezerezean utziz.
Hasierako erritmo biziaren ostean, norgehiagokaren erritmoa moteldu egin da, eta parekotasuna izan da nagusi, baina 70. minutuan Dani Garciak penaltia egin dio Marcelori, eta Sergio Ramosek 0-1ekoa sartu du, penalti jaurtiketaren bidez Unai Simon atezaina gaindituta. Penalti argia egin du Athleticeko jokalariak, berandu iritsi baita jokaldia moztera, eta falta egin du area barruan.
Azken txanpan, Athletic erasora jotzen saiatu da, eta neurketa ireki egin da. De Marcosek abagune bikaina izan du 85. minutuan, baina oso gaizki jaurti du, eta ez du aukera baliatu. Ondoren, Real Madrilek izan du partida guztiz erabakita uzteko, baina Unai Simonek eragotzi du, Benzemaren errematea hankarekin desbideratuta. Amaieran, Athleticen porrota (0-1).
Fitxa teknikoa:
0 - Athletic: Unai Simon; Capa, Yeray (Unai Nuñez, 21. min), Iñigo Martinez, Yuri; Dani García (Sancet, 78. min), Unai Lopez (Vesga, 63. min); Muniain, Raul Garcia, Cordoba (De Marcos, 63. min); eta Williams (Villalibre, 78. min).
1 - Real Madril: Courtois; Carvajal, Militao, Sergio Ramos, Marcelo; Casemiro, Valverde (Kroos, 85. min), Modric; Asensio (Lucas Vazquez, 74. min), Rodrygo (Vinicius, 74. min) eta Benzema (Jovic, 93. min).
Golak: 0-1, 73. min: Sergio Ramos, penaltiz.
Epailea: Jose Luis Gonzalez Gonzalez. Txartel horiak atera dizkie Raul Garcia (39. min), Dani Garcia (73. min), Muniain (95. min) eta Yuri (96. min) Athleticeko jokalariei, baita Sergio Ramos (91. min), Casemiro (93. min) eta Carvajal (96. min) Real Madrileko futbolariei.
VAReko epailea: Jesus Gil Manzano.
Zure interesekoa izan daiteke
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".
Athleticek ez du bururik altxatzen eta enegarren porrota jaso du etxetik kanpo, Espanyolen aurka (2-0)
Lehen zatian, Athleticek ez ditu abaguneak aprobetxatu, eta Valverderen taldeak bizitasuna galdu du bigarren zatian. Pere Millaren eta Kike Garciaren golek erabaki dute norgehiagoka.