Athleticek berdindu egin du Real Madrilen aurka eta puntu bat atera du Bernabeutik
Athleticek berdindu egin du Real Madrilen aurka (0-0) Santiago Bernabeun eta Ligako 18 jardunaldiren ostean, sailkapeneko zazpigarren postuan da 28 punturekin, Europarako postuetatik bi puntura.
Real Madrilek azken partidetan azaldu duen joko onak sistema aldaketa eragin du Athleticen. Hiru erdiko defentsa jarri ditu Gaizka Garitano entrenatzaileak hasierako hamaikakoan. Erasokor ekin dio neurketari Real Madrilek. Viniciusek arriskua eraman du zuri-gorrien areara, baina Real Madril ez da fin ibili aurkariaren ate aurrean, eta Unai Simon atezainaren lan onak ere merengeen golak eragotzi ditu. Rodrygok bi erdiraketa bikain jarri dizkio Benzemari, baina frantziarraren erremate biak Unai Simonek gelditu ditu. Nagusi eta baloiaren jabe izan da Real Madril, eta oso abagune argia izan du Krossek, langara bidali duen jaurtiketa baten bitartez. Alemaniarrak jokaldi bikaina egin du, baina ez du gola sartzea lortu. Etxeko taldearen beste aukera argi bat Benzemak izan du, baina haren errematea atepetik atera du Unai Nuñezek. Athletic sufritzen ibili da, baina atsedenaldira iritsi orduko izan duen abagune bakarrenetakoan, Kodrok gola sartu du, nahiz eta epaileak baloiogabetu egin duen, aurrelari zuri-gorria jokoz kanpo egon delako.
Bigarren zatian, partidaren gidoia lehenengoaren antzekoa izan da; Real Madril baloiaren jabe, eta Athletic kontraerasora irtetzeko zain. Hala ere, bigarren zatian Real Madrili gehiago kosta zaio abaguneak sortzea. Nachok egin duen errematea langara joan da, eta Benzema ere ez da Unai Simon gainditzeko gai izan beste bi erasoko jokalditan. Athleticek ez du abagune askorik sortu, baina Lekuek pase bikaina eman dio Williamsi, eta Carvajal gurutzatu da aurrelari zuri-gorriaren errematea eragozteko. Real Madrilek gola sartzeko beste aukera argi bat izan du neurketaren azken txanpan; Jovicen erremateak, ordea, zutoina jo du, eta Unai Simoni eskuetara heldu zaio baloia. Amaieran, golik ez Santiago Bernabeun, eta puntu bana talde bakoitzarentzat.
Fitxa teknikoa:
0 - Real Madril: Courtois; Carvajal, Militao (Nacho, 57. min), Sergio Ramos, Mendy; Valverde, Kroos, Modric; Rodrygo (Bale, 62. in), Benzema eta Vinicius (Jovic, 71. min).
0 - Athletic Club: Unai Simon; Lekue, Yeray, Nuñez, Iñigo Martinez, Yuri; Dani Garcia, Vesga, Raul Garcia; Williams (Beñat, 86. min) eta Kodro (Villalibre, 73. min).
Epailea: Adrian Cordero Vega. Txartel horia atera dio Ramos (87. min) Real Madrileko jokalariari.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.