De Marcos hiru hilabete egongo da bajan, ebakuntza egingo baitiote orkatilan

Oscar de Marcos Athleticeko jokalari arabarrari artroskopia bat egingo diote ezker orkatilan duen lesioa sendatzeko.

Athleticek jakitera eman duenez, Madrilgo Ruber klinikan egingo diote ebakuntza ostiral honetan, eta, aurreikuspenen arabera, hiru hilabete emango ditu zelaietatik kanpo.

Hegaleko zuri-gorriak abuztuaren 24an hartu zuen min, Getaferen aurkako lehian, Santander Ligako bigarren jardunaldian. Urriaren 6an berragertu zen Vigon, eta hil bereko 26an jokatu zituen azken minutuak ofizialki, Atletico Madrilen aurka.

Ordutik aurrera, bakarka zein gainerako taldekideekin batera entrenatu da tarteka, baina guztiz sendatu ezinda.