Athleticek eta Eibarrek golik gabe berdindu dute San Mamesen
Athleticek eta Eibarrek golik gabe berdindu (0-0) dute San Mamesen jokatu duten Santander Ligako 17. jardunaldiari dagokion euskal derbia. Oso partida kaskarra eskaini dute bi taldeek.
Hobeto ekin dio neurketari Eibarrek, eta Athletic galduta ibili da. Gaizka Garitano entrenatzaileak San Jose eta Dani Garcia jarri ditu zelai erdian, eta horrek argi erakusten zuen talde zuri-gorriak ez zuela etxean ohiko moduan jokatuko, defentsako lanean zentratu baita. Eibarrek penaltia eskatu du 15. minutuan, baina epaileak eta VARak erabaki dute ez dela penaltirik egon. Talde armaginak area kanpotik pare bat saiakera egn ditu, baina Eibarrek ez du gola gertu izan. Athleticek, lehen zatiaren amaieran izan du abagunea; Dmitrovicek Raul Garciaren jaurtiketa desbideratu du, Cordobak gola sartu du, eta jokoz kanpo zegoenez, epaileak baliogabetu egin du.
Bigarren zatian partidak ez du hobera egin. San Mamesera gerturatu diren zaleak aspertu egin dira, nahiz eta lehen zatia baino pixka bat hobea izan den bigarrena. Capak kanpora bota du jaurtiketa bat, Williamsen jokaldi bikainaren ondoren. Geroago, Ibai Gomezek izan du neurketako abagune onena, baina Dmitrovicek aurrean bakarik geratuta, atezainaren hankara bidali du errematea. Partidako 73. minutuan gola sartu du Athleticek, konkretuki, Rober Correak bere atean, baina erdiraketa egin duen Capa jokoz kanpo egon da, eta VARa kontsultatu ostean, gola baliogabetuta geratu da. Azken txanpan nagusi izan da talde zuri-gorria, eta gola sartzeko abagunea izan du; hala ere, Raul Garciaren errematea Dmitrovicek gelditu du. Ez da aukera gehiago egon luzapenean, eta neurketa txar hau golik gabe berdinduta amaitu da.
Fitxa teknikoa:
0 - Athletic Club: Unai Simon; Capa, Yeray, Iñigo Martinez, Yuri; Dani Garcia, San Jose; Williams, Unai Lopez (Villalibre, 64. min), Córdoba (Ibai, 46. min); eta Raul Garcia.
0 - Eibar: Dmitrovic; Correa, Paulo Oliveira, Bigas (Esteban Burgos, 20. min), Tejero; Pedro Leon (De Blasis, 82. min), Escalante, Exposito, Inui; Sergi Enrich eta Kike Garcia (Charles, m.86).
Epailea: Mario Melero Lopez. Txartel horiak atera dizkie Raul Garcia (55. min), San Jose (90. min) eta Capa (92. min) Athleticeko jokalariei, baita Kike Garcia (86. min), Dmitrovic (88. min) eta Tejero (94. min) Eibarko futbolariei.
VAReko epailea: David Medie Jimenez.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.