Athleticek denboraldiko bigarren garaipena lortu nahi du Valentziaren aurka
Athleticek eta Valentziak Ligako klasiko bat jokatuko dute larunbat honetan San Mamesen. Bata zein bestea ez dira eurengan jarritako aurreikuspenak betetzen ari, eta sailkapeneko azken postuetatik atera ezinik dabiltza txapelketaren lehen laurdena igaro ostean.
Bilbotarrak zein valentziarrak zama handia ari dira pairatzen denboraldi hasiera honetan, berdindu dituzten partida ugarien poderioz: sei Berizzorenek eta zazpi Marcelinorenek. Izan ere, norgehiagoka bakarra irabazi dute batzuek zein besteek.
Bi taldeak astean zehar partida jokatzetik datoz, eta biek sentsazio txarrak izan dituzte beste behin, berdinketak besterik ez baitituzte lortu. Hala Zuri-gorriek bana egin zuten Vallecasen, Rayoren aurka, hirugarren jardunaldiari zegokion neurketa atzeratuan. Valentziak, bere aldetik, gauza bera egin zuen Young Boys talde suitzarraren etxean, Txapeldunen Ligan.
Leganesen aurka lehen jardunaldian estutasun askorekin lortutako garaipen bakarraren ostean, bilbotarrek etxean sendo izaten hasi nahiko dute, lehen partida horren ostetik ez baitute beste partidarik irabazi, eta, horrez gain, etxeko azken bi porrotak oso mingarriak izan dira: Realaren eta Vila-realen aurka, 1-3ko emaitzarekin kasu bietan.
Hartara, Berizzok emandako deialdiko aurpegi berri bakarra Unai Nuñezena da. Portugaletekoak Yeray Alvarezen lekua har dezake atzealdearen erdialedean. Yeray ordezkoen aulkitxoan egon zen dagoeneko asteazkenean, bere lekua Peru Nolaskoainek hartu baitzuen. Alabaina, oraingo honetan, entrenatzaile argentinarrak deialditik kanpo utzi du zumaiar gaztea.
Valentziari dagokionez, ezin asmatuta dabil erasoari begira, neurketa batean besterik ez baitu lortu gol bat baino gehiago sartzea, Levanteren aurkako derbian (2-2), hain zuzen ere. Marcelinok ezin izango ditu erabili Guedes baja izango diren Piccini eta Guedes.
Balizko hamaikakoak
Athletic Club: Iago Herrerin; De Marcos, Yeray, Iñigo Martinez, Yuri Berchiche; Dani Garcia, Unai Lopez, Muniain; Susaeta, Raul Garcia, Aduriz.
Valentzia: Neto; Vezo, Paulista, Garay, Gaya; Soler, Parejo, Kondogbia, Ferran; Rodrigo, Gameiro.
Epailea: Undiano Mallenco
Futbol-zelaia: San Mames.
Ordutegia: 16:15
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.