Bi aurpegi azaldu dituen Athleticek puntu bat atera du Vallecasetik
Rayok eta Athleticek berdindu egin dute asteazken honetan jokatutako joan-etorrikoa izan den norgehiagokan. Etxekoak aurreratu egin dira lehen zatian Pozoren golaren bitartez, eta, bigarrenean, Muniainek lortu du zuri-gorrien gola. Puntu banaketak ez die talde biei aparteko onurarik ekarri, sailkapeneko behealdean jarraitzen baitute, bizi dituzten bolada txarrei buelta eman ezinik.
Ia bi hilabeteren ostean, madrildarrek eta bilbotarrek irailaren 1erako aurreikusita zegoen partidan lehiatu dira elkarren aurka, bere garaian ezin izan baitzen jokatu Vallecasen egiten ari ziren lanengatik.
Neurketa polemikaren hasi da, epaileak, VAR teknologia baliatuta, baliogabetu egin baitu Raul de Tomasek 11. minutuan sartutako gola; izan ere, baloia kontrolatzeko garaian Rayoko aurrelariak eskua erabili duela iruditu zaio.
Nahiz eta gol hori markagailuan islatzea lortu ez, etxeko taldeak ez du amore eman, eta hurrengo minutuetan erabat nagusitu zaio noraezean ibili den Athletici. Hala, 22. minutuan, Rayok legezko gola lortu du Pozoren bidez, areaz kanpotik egindako jaurtiketa baten poderioz.
Bilbotarrek ezinean jarraitu dute atsedenaldira heldu arte. Apenas hurbildu dira Rayoren atezainaren inguruetara, eta gerturatu direnean geldikako jokaldi antzuen bidez besterik ez da izan.
Lehen zatian erasoko jokoan erakutsitako aldarte eskasaz jabetuta, Berizzok Raul Garcia zelairatu du atsedenalditik bueltan, desagertuta ibili den Iñaki Williamsen ordez.
Nafarrak beste itxura bat eman dio taldeari, eta atera eta berehala aukera garbia izan du burukada batean, baina Alberto Garcia Rayoko atezainak ia marraren gainean atera du baloia, geldiketa on bat eginda.
Jokaldi hori Athleticen jokoaren hobekuntzaren hasiera izan da, eta ondorengo minutuetan arriskuz gerturatu da Rayoren atezainaren inguruetara. Hala, 66. minutuan, jokaldi nahasi baten ostean, Raul Garciak buruz jo du baloia area barrua eta zutoinera joan da bere ahalegina. Aitzitik, aldaratzea lurrean zegoen Muniaini heldu zaio, eta altxatu gabe baloia sare barrura bota du.
Hortik aurrera, neurketa zoratu egin da; alabaina, Rayo izan da aukera garbienak izan dituena amaierara iritsi arte. Azpimarratzekoak izan dira Galvezek izandako bi abagune garbi.
Emaitza horrekin, Athletic hamazazpigarren da sailkapenean, 9 punturekin; Rayok, aldiz, 6 puntu ditu, eta azken-aurrekoa da sailkapenean.
Fitxa teknikoa:
Rayo Vallecano 1: Alberto; Advincula, Galvez, Amat, Alex Moreno; Comesaña; Embarba (Bebe, 90. min), Imbula, Pozo (Alex Alegria, 72. min), Kakuta (Alvaro Garcia, 61. min); eta Raul de Tomas.
Athletic 1: Iago Herrerin; De Marcos (Capa, 76. min), Nolaskoain, Iñigo Martinez, Yuri; Muniain, Dani Garcia (San Jose, 65. min), Unai Lopez; Susaeta, Williams (Raul Garcia, min. 46. min) eta Aduriz.
Golak: 1-0: Pozo, 22. min; 1-1: Muniain, 66. min.
Epailea: Cuadra Fernandez. Txartel horiak: Imbula (Rayo); Raul Garcia (Athletic).
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.