Athletici garaipenak ihes egin dio luzapenean Celtaren aurka
Athleticek bana berdindu du Celtaren aurka (1-1) San Mamesen, Ligako 30. jardunaldiko partida. Zuri-gorriak aurkaria baino gehiago izan dira, eta hobeto jokatu dute, baina Galiziako taldeak luzapenean sartutako golak lapurtu dio garaipena talde bizkaitarrari.
Celta izan da baloiaren jabe lehen minutuetan, baina Galiziako taldeak ez du abagune argirik sortu. Athletici kosta egin zaio partidan sartzea, baina lehen abagunea zuri-gorriek izan dute; De Marcosek erdiratu eta Williams ez da gutxigatik iritsi errematea egitera. Ia jarraian, 9. minutuan, Williamsek pasea eman dio Raul Garciari eta honen errematea kanpora joan da, oso gutxigatik. Lehen bi abaguneen ostean, Athletic nagusi izan da, eta lehen zatiko azken txanpara arte aukerak sortzea kosta egin zaion arren, talde zuri-gorriak kontrolpean izan du partida. Epaileak ez du Williamsi egindako penaltia adierazi 32. minutuan eta txartel horia atera dio Athleticeko aurrelariari. Bi minutu beranduago, Williamsek berak, kanpora bidali du buruz egin duen errematea. Atsedenaldira iritsi aurretik Raul Garciak izan du gola sartzeko aukera argia, baina jaurtiketa gehiegi gurutzatu du.
Bigarren zatiari ere ondo ekin dio Athleticek. Baloi jabetza izan du Zigandak zuzentzen duen taldeak eta abagune argiak sortzea kosta zaion arren, merezitako gola sartu du 55. minutuan; korner batean, Raul Garciaren erremateak langa jo eta Unai Nuñezek sare barrura bultzatu du baloia (1-0). Bost minutu beranduago, Williamsek jokaldi ona egin du, baina bere paseak ez du errematatzailerik aurkitu. Partidako 66. minutuan, epaileak ez du adierazi Sergi Gomezek Williamsi egin dion penalti bat, eta 68. minutuan Kepa Arrizabalaga atezainak Celtaren gola eragotzi du, Iñigo Martinezek bere aterantz bidali duen baloia desbideratuta. Celtak ezer gutxi egin du erasoan partida osoan zehar, baina gola sartzetik gertu egon da 77. minutuan, zutoina urratuta kanpora joan den Maxi Gomezen erremate baten bitartez. Hurrengo jokaldian Beñatek eduki du abagunea, baina Igorrekoaren jaurtiketa defentsa batek desbideratu du kornerrera. Azken txanpan erasora jo du Celtak eta 91. minutuan neurketa berdindu du Brais Mendezek sartutako gol bati esker (1-1); kale egin dute zuri-gorriek defentsan eta Celtak ez du barkatu. Gainera, 92. minutuan, Kepa Arrizabalagak erantzun bikaina eman dio Hugo Malloren jaurtiketari eta Celtaren garaipena eragotzi du.
Fitxa teknikoa:
1 - Athletic: Kepa; De Marcos, Unai Núñez, Iñigo Martinez, Balenziaga (Lekue, m.81); Susaeta, Iturraspe, San Jose, Cordoba (Aduriz, m.71); Raul Garcia (Beñat, m.79) eta Williams.
1 - Celta: Sergio Alvarez; Hugo Mallo, Cabral, Sergi Gomez, Jonny; Wass (Pablo Hernandez, m.63), Lobotka, Radoja (Brais Mendez, m.73); Iago Aspas, Lucas Boye (Pione Sisto, m.63) eta Maxi Gomez.
Golak: 1-0, m.55: Unai Nuñez. 1-1, m.91: Brais Mendez.
Epailea: Del Cerro Grande.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.