Athleticek aurreikusitako porrota jaso du, Bartzelona konformista baten aurka (2-0)
Athleticek aurreikuspenak bete ditu eta galtzaile atera da Camp Noura egindako visitan. Ligako liderra 2 eta 0 gailendu da, Alcacerrek eta Messik lehen zatian egindako golei esker. Lehen 45 minutuetan negargarri aritu dira zuri-gorriak, kataluniarrek aukera ugari izan dituzte, baina Kepak eta zutoinek markagailura gol gehiago igotzea galarazi dute.
Valverdek ezin izan ditu Sergio Busquets (lesionatuta) eta Luis Suarez )zigortuta) zelairatu, eta Andres Iniesta aulkian utzi du. Hala ere, Bartzelona ikusgarri aritu da lehen zatian, Leo Massi argentinarraren gidaritzapean.
Lehen zatian, kataluniarrek erraz gainditu dute Athleticek goiko aldean egindako presioa. Bizkaitarrek, berriz, baloiaren jabetzari eutsi ezinda aritu dira.
Defentsan ere huts handiak eta ugariak egin ditu Zigandaren taldeak, eta, ondorioz, Bartzelonak aukera asko izan ditu gola egiteko. Harrigarria dirudien arren, bi bakarrik egin dituzte.
Lehen gola zortzigarren minutuan iritsi da. Paco Alcacer Luis Suarezen ordezkoak egin du, Messik hasitako jokaldi batean eta Jordi Albak jokoz kanpo emandako pasea aprobetxatuta.
Bigarrena 30. minutuan egin du Bartzelonak. Messik sartu du, areaz kanpotik egindako jaurtiketa gogor baten bidez.
Ordu erdi eta Bartzelona 2 eta 0 jarri da aurretik. Aurretik, Coutinhoren jaurtiketa batek langan jo du, eta Kepak geldiketa bikainak egin ditu Messik eta Dembelek eginako bina jaurtiketei.
Zelaiaren beste aldean, Athletic desagertuta egon da.
Bigarren zatian, hobeto
Zigandaren taldeak hobera egin du bigarren zatian, baina Bartzelonak erritmoa eta presioa jaitsi dituelako.
Hala ere, bilbotarrek ez dute ia aukera argirik sortu, eta sortutakoetan ez dute asmatu. Ondorioz, lehen zatiko 2 eta 0ekoak partida amaiera arte iraun du.
Fitxa teknikoa
2 - Bartzelona: Ter Stegen; Sergi Roberto, Piqué, Umtiti, Jordi Alba; Rakitic, Paulinho, Coutinho (André Gomes, 85. min); Paco Alcácer (Aleix Vidal, 74. min), Messi eta Dembélé (Iniesta, 63. min).
0 - Athletic: Kepa; Lekue, Unai Núñez, Íñigo Martínez Saborit; Beñat (Iturraspe, 46. min), San José; De Marcos, Raúl García, Susaeta (Williams, 63. min) eta Sabin Merino (Aduriz, 71. min).
Golak: 1-0: Paco Alcácer, 8. min 2-0: Messi, 30. min.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.