San Jose: 'Europa Ligak ilusioa eragiten digu eta sailkatu beharra daukagu'
Athleticek laugarren lan eguna izan du ostegun honetan Lezaman eta Mikel San Jose izan da protagonista prentsa aretoan. Lanean egun gutxi daramatzaten arren, jokalariak pozik daude Jose Angel Ziganda entrenatzaile berriarekin.
"Aurredenboraldiak maila oso altukoak dira. Gure onenera azkar iristeko gogoz gaude. Jakinda hasieran pixka bat sufritu beharko dugula, oso gertu dagoelako lehiaketa hasteko eguna, gogotsu nago. Berriro jokatzeko gogo handia dugu", adierazi du San Josek.
Entrenatzaile berriari buruz galdetuta Mikel San Josek esan du jokalariak oso pozik daudela talde tekniko berriarekin: "Kukok indarra eta ilusioa transmititzen digu. Berarentzat ere aukera polita da. Ariketak bide berdinetik doaz, ezberdintasuna taldea zelairatzean ikusiko dugu. Lau egun daramatzagu, goiz da ezberdintasunak ikusteko. Etxeko jendea dira, eta ezagutzen genituen jada".
Uztailaren 27an ekingo dio talde zuri-gorriak Europa Ligako atariko kanporaketei. San Josek aitortu du taldeari ilusio berezia egiten diola Europa Liga jokatzeak: "Europa Liga berezia da, ilusio handia eragiten digu. Asko dago jokoan, jokalarientzat eta Klubarentzat. Jokatu izan ditugu eta aurrera atera ditugu. Konfiantza dugu".
Athletic Suitzara abiatuko da datorren astean denboraldiaurrearekin jarraitzeko eta Mikel San Josek argi du zertara doazen: "Lan egitera goaz eta ditugun partidetan gorputzak prestatzera".
Denboraldi berrirako helburua iaz lortutakoa hobetzea dela argi du erdilari zuri-gorriak eta taldeak maila altua duela uste du, nahiz eta fitxaketarik egon ez den: "Atzera begiratuta, oso ondo egin ditugu gauzak baina ez gara konformatu behar. Gauzak hobetzeko gai gara. Guztiok maila altua emateko gai gara, baita gazteenak ere. Azkenean Kukok erabakiko du, eta erabaki zaila izango da".
Yeray ondo ikusten duela ere gaineratu du San Josek eta taldeak "azkar errekuperatzea" espero duela adierazi du.
la adierazi du.Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.