Lekue: 'Jokalari guztiak ondo daude eta Yerayren egoera orokorra ona da'
Athleticek astelehenean ekin zion denboraldiaurreari eta astearte honetan Josean Lekue klubeko zerbitzu medikuen buruak hitz egin du Lezamako prentsa aretoan. Lekuek jokalariak nola iritsi diren eta Yeray Alvarez nola aurkitzen den aztertu du.
"Denak daude oso egoera onean eta entrenatzeko prest, iazko egoerarekin alderatuta, iaz konplexuagoa izan zen. Jokalariak ondo itzuli dira. Osasunaren gaitasuna ziurtatzen dituzten frogak egin dituzte. Osasuna da kirolari guztien eta futbolari guztien oinarria, duda barik. Egin ditugun azterketetan ez da berririk aurkitu", esan du Lekuek.
Denboraldiaurrea beranduago hastea nahiko zutela esan du, eta entrenatzaile berria izan arren, prestaketa fisikoa ez dela asko aldatuko gaineratu du: "Denok nahi genuke beranduago hasi. Tekniko berriek euren kutsua izango dute. Berritasuna dena den, oso erlatiboa da guretzako, entrenatzailea etxekoa baita. Berritasun erraza da guretzako Ziganda".
Uztailaren 27an jokatuko du Athleticek denboraldi honetako lehen partida ofiziala, Europa Ligara sailkatzeko atariko bi kanporaketetako lehenaren joaneko neurketa. Zita horretara ondo iristeko denbora dagoela adierazi du Athleticeko medikuak: "Garrantzitsuena 27an jokatu behar dugula jakitea da, orduan, burua eta gorputza prestatu behar da. Denbora dago puntuan iristeko hilaren 27ko partidara, azken urteotan horrelako beharrak izan ditugu".
Yeray Alvarezen egoera
Yeray Alvarez jokalariaren bilakaera ere izan du hizpide Josean Lekuek. Athleticeko zerbitzu medikuen buruak esan duenez, "Yerayren egoera orokorra oso ona da. Bere gaixotasunean zailtasun bat izan du eta kimioterapia jasoko du. Familia, lagun eta Klubaren babesa dauka eta oso ondo dago. Gaur egun, minbiziaren tratamenduaren testuinguruan aktibitate fisikoa ere erabiltzen da, normaltasunez ikusi behar dugu. Seguruenik dinamika honekin jarraituko du Yerayk datozen asteotan".
Iazko denboraldia min hartuta bukatu zuten jokalarien egoera
Jokalari batzuek justu eta min hartuta bukatu zuten 2016-2017. denboraldia. Josean Lekuek jakinarazi du Raul Garciari kirurgia operazio txiki bat egin diotela, Beñatek denboraldia min hartuta amaitu zuela, baina ondo dagoela, eta Adurizek zainketa bereziarekin jarraituko duela.
"Raul Garciari ebakuntza kirurgiko txiki bat egin zitzaion, eta orain oso ondo dago. Beñatek min hartuta amaitu zuen denboraldia, baina ondo iritsi da, eta prest dago. Adurizek beste jokalari guztiek duten zainketa berdina jasotzen du, baina arreta handiagoarekin jarraitzen da jokalariak duen adinagatik. Bestalde, Iñigo Cordobak ebakuntza izan zuen maiatzaren 30ean, lanean jardun da hilabete hauetan eta oso ondo dago", azpimarratu du Josean Lekuek.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.