Athleticek bidea ireki du Kopan, Linenseren aurka
Athelticek urrats handia eman du Errege Kopako final-zortzirenetara begira, Linenseri bere etxean irabazita bi goleko aldearekin.
Zurigorriak nagusi izan dira lehenengo zatian. 45 minutuetako erakutsitako eraginkortasunari esker, neuketa eta kanporaketa bideratu dute hasieratik. Ernesto Valverdek, hamaikakoan titularrak ez direnak sartu arren, ez ditu ustekaberik nahi izan, eta intentsitatea ezarri du hasieratik.
Kike Solak aurretik jarri ditu zurigorriak 13. minutuan, zurigorriek egindako presioari esker, hain zuen. Erasok baloia galtzera behartu du aurkaria, eta gola oparitu dio Kike Solari.
Gutxi geroago, Athleticek estrategia jokaldi bat aprobetxatu du Laportek buruz gola sartzeko, bigarrena zurigorrientzat. Markagailuak laster adierazi du Lehen Mailako eta Bigarren Bko taldeen arteko aldea.
Linensek ordu erdira izan du norgehaigokaren lehen aukera argia. Etxekoak partidan sartu dira eta aurpegia eman dute Athleticen aurka.
Bigarren zatian, Balona piztu da, eta neurketa zabaldu egin da. Zamoranok eta Espinarrek abagune bikoitza izan dute 5 minutura. Goletik gertu egon da Linense, eta Athletici gehiago kostatu zaio bere erritmoa ezartzea.
Zurigorriek nagusitasuna berreskuratu dute azken ordu laurdenean, eta Kike Solak aldea ireki ahal izan du. Bukaeran, etxekoek gerturatzeko oso aukera argia izan dute, Chico eta Zamoranori esker, baina azkenean Athleticen aldeko 0-2koarekin bukatu da partida.
FITXA TEKNIKOA
Linense: Soler; Palancar, Leon, Joe, Olmo; Ismael Chico, Jose Ramon, Forner (Guerra, 68. min), Canario (Mauri, 57. min), Zamorano; eta Espinar (Copi, m.65. min).
Athletic: Herrerin, Boveda, Elustondo, Laporte, Lekue (De Marcos, 87. min); Iturraspe (San Jose, 75. min), Rico, Eraso, Sabin (Aketxe, 72. min), Viguera; eta Sola.
Golak: 0-1. 13. min Sola. 0-2. 18. min Laporte.
8. min Laporte.Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi behar izan zuen neurketa hasi eta bi minutu eskasera.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.