Athleticek puntu ona eskuratu du Mestallan (0-0)
Athleticek puntu ona eskuratu du Mestallan, Valentziaren aurkako partidan (0-0). Etxean, aurretik jokatutako partida guztiak irabazi ditu Nunoren taldeak, baina zuri-gorrien aurka ez dute lortu.
Partidaren hasiera parekatua izan da, eta lehen ordu laurdenean ez da gol-aukerarik egon. Rodrigok izan du neurketako aurreneko abagunea, 16. minutuan, baina ez dio baloiari ondo eman, eta kanpora joan da.
Minutuek aurrera egin ahala, etxekoak nagusitu dira, eta baloiaren jabetza eskuratu dute. Alcacer eta Piati markagailua estreinatzeko zorian izan dira. Zuri-gorriei defendatzea egokitu zaie. Atsedenaldira heldu baino lehen, Athletic aurretik jartzeko aukera izan du Oscar de Marcosek. Unai Lopezen pasea ona izan da, eta arabarra buruz saiatu da, baina ez du asmatu.
Hasiera ona eman dio Ernesto Valverderen taldeak bigarren zatiari. Baloia ondo mugitu du Athleticek, presioa egin du eta Valentzia deseroso aritu da. Alvaro Negredo 68. minutuan zelairatu da, eta zaleak esnatu egin dira.
74.ean, baloia buruz ukitu du Ibaik, eta Fuegok gutxigatik ez du bere atean sartu. 85.ean, Iraizoz ezustean harrapatzen saiatu da Gaya, baina atezain zuri-gorriak arazorik gabe harrapatu du. Partida bukatzeko lau minuturen faltan, 0-1ekoa sartzeko aukera ona izan dute bilbotarrek. Beñatek falta bat atera du, baloia Etxeitari erori zaio, errematatu egin du, baina Alvesek gola saihestu du.
Hurrengo asteburuan ez da Ligako partidarik egongo. Athleticek 12 puntu ditu, eta sailkapen nagusiko 11. postuan dago. Espanyol izango da zuri-gorrien hurrengo aurkaria, azaroaren 21ean, San Mamesen.
Fitxa teknikoa:
0 - Valentzia: Diego Alves, Barragan, Otamendi, Mustafi, Gaya, Javi Fuego, Feghouli (Carles Gil, 81'), Andre Gomes, Rodrigo, Paco Alcacer eta Piatti (Negredo, 69').
0 - Athletic Club: Iraizoz, Iraola, Etxeita, Laporte, Balenziaga, De Marcos, Mikel Rico, Iturraspe, Viguera (Kike Sola, 79'), Unai López (Ibai Gomez, 52') eta Guillermo (Beñat, 38')
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.