Athleticek agur esan dio Txapeldunen Ligako ametsari
Bukatu da txapeldunen ametsa Athleticentzat. Taldekako faseko lau jardunaldietan puntu bakarra lortuta, Bilboko taldeak ez du Txapeldunen Ligan jarraitzeko aukerarik. Zuri-gorriak, hasierako hamaikakoan bost aldaketa sartuta, partida kaskarra egin dute Portoren aurka. Portugaldarrak beti izan dira hobeak.
Porto Athletic baino askoz hobea izan da lehenengo zatian. Erritmo altuarekin eta mugikortasun eta intentsitate handiarekin atera da jokoan, eta lehenengo aukera 3. Minutuan sortu du: Ibaik gora bidali du korner goiztiar bat.
Hala ere, azkar eskuratu du Portok partidaren kontrola. Lehenengo aukeratik, Jacksonen oinetan 11. Minutuan, Lopetegiren taldea nagusi mantendu da. Aurrean, Athleticek ezin izan du baloia berreskuratu, zelaia bezain lokaztuta San Mames euritsuan.
Zelai erditik hasitako jokaldi on bat, 22. minutuan, zuri-gorrien iribarre bakarra izan da, baina Mikel Ricok ezin izan du ondo errematatu. Jarraian, beldurra eragin du berriro Portok, Gorkak gelditutako falta jaurtiketa batean eta hurrengo kornerrean. Gutxigatik ez du sartu Brahimik.
Presio altuarekin jarraitu dute portugaldarrek, Athletic baino erosoago San Mamesen. 35. minutuan, falta jaurtiketa bat huts egin dute, baita izan ez den penalti bat ere 41.ean.
Partida hasieran bezala, Athletic partidaren kontrola berreskuratzen saiatu da bigarren zatian, Iraola eta Munian atsedelandiaren ostean zelairatuta. Bigarren zatia hasi eta gutxira, De Marcosen jaurtiketa bat kanpora joan da.
Beste behin, hala ere, gutxi iraun du zuri-gorrien indarraldiak, eta 56. minutuan sartu du gola Portok. Brahimi arean sartu eta Jacksoni utzi dio baloia, horrek portugaldarren lehenengoa eskuratzeko. Gero, Athletic desagertu da.
Aukera izan du Guillermok 70. minutuan, buruarekin, baina taldea ez da esnatu, eta gidoia ez da aldatu. Iraizozen zorigaiztoko jokaldi bat Brahimiren gola izan da. Zuri-gorriak, futbolik eta final-zortzirenetara igarotzeko aukera matematikorik gabe.
FITXA TEKNIKOA
Athletic: Iraizoz; De Marcos, San Jose, Laporte, Balenziaga; Gurpegi, Rico; Susaeta (Muniain, 46. min) Beñat (Iraola, 46. min), Ibai Gomez (Viguera, 72. min); eta Guillermo.
Porto: Fabiano; Danilo, Maicon, Indi, Alex Sandro; Casemiro, Oliver Torres (Ruben Neves, 81. min), Hector Herrera; Tello (Quaresma, 60. min), Brahimi (Adrian Lopez) eta Jackson Martinez.
Golak: 0-1, 67. min: Jackson Martinez. 0-2, 73. min: Brahimi.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".