Kopari agur esan dio Athleticek, San Mamesen (1-2)
Athleticek Errege Kopari agur esan behar izan dio, eta gainera, zuri-gorriek aurreneko norgehiagoka galdu dute San Mames berrian (1-2). Atletico Madrilek finalerdietarako txartela lortu du, eta Real Madril izango da Diego Simeoneren gizonen hurrengo aurkaria. Adurizek 1-0ekoa jarri du lehenengo zatian, baina Raul Garciak eta Diego Costak kanporaketa erabaki dute atsedenaldiaren ostean.
Herrerinek gelditu erabakigarria egin du norgehiagokako lehenengo minutuan, Diego Costaren jaurtiketa ederki desbideratu baitu atezain bizkaitarrak. Atletico Madril bere area barruan sartu da, eta Ernesto Valverderen gizonek aise agindu dute berdegunean. Adurizek izan du zuri-gorrien aurreneko abagunea, baina Courtoisek kornerrera desbideratu du baloia. Bilboko taldea nagusi izan da, baina Atleticok ederki babestu du bere atea.
Bizkaiko taldea erasoan murgildu da, eta Simeoneren gizonak defentsan sufritzen hasi dira, pixkanaka. 32. minutuan, Muniainek abagune ona izan du, baina Courtois adi egon da, eta baloia belgikarraren eskuetara joan da. Mikel Ricok ere aukera argia izan du, 37. minutuan, baina Arrigorriagakoak gehiegi gurutzatu du baloia. Raul Garciak erantzuna eman du, Athleticen arean, baina nafarraren errematea zutoin ondotik kanpora joan da.
Hala ere, Aritz Adurizek 1-0ekoa jarri du markagailuan, 41. minutuan, eta bilbotarrek kanporaketa berdindu dute horrela. Atsedenaldia heldu aurretik, Athleticek beste bi gol gehiago lortzeko aukera argiak izan ditu, baina Thibaut Courtoisek bi gelditu ikusgarri egin ditu.
Simeoneren gizonek erritmoa bizitu egin dute bigarren zatian, eta Herrerinek gol marratik atera behar izan du baloia Madrilgo taldearen abagune argienean, 48. minutuan. Hala ere, Atleticok sakatzen jarraitu du, eta Raul Garciak 1-1ekoa jarri du markagailuan 54. minutuan.
Bilboko taldeak erasoan gogor sakatu du, baina Atletico Madril ondo itxi da atzealdean. Ander Herrerak zuri-gorrien bigarren gola eskuratzeko aukera argia izan du eskuin hegaletik, baina Courtoisek beste gelditu erabakigarri bat egin du. Azkeneko minutuetan, Athleticek asko arriskatu du, eta Diego Costak 1-2koa jarri du kontraeraso bat ederki aprobetxatuta 85. minutuan.
- Fitxa teknikoa:
1 - Athletic Club: Herrerin; Iraola, San Jose, Laporte, Balenziaga; Iturraspe, Rico (Ibai, 65. minutuan); Susaeta (Sola, 72. minutuan), Herrera (Beñat, 78. minutuan), Muniain; eta Aduriz.
2 - Atletico Madril: Courtois; Juanfran, Miranda, Godin, Filipe Luis (Insua, 13. minutuan); Adrian (Sosa, 79. minutuan), Gabi, Koke, Cristian Rodriguez; Raul Garcia eta Diego Costa (Alderweireld, 90. minutuan).
Golak: 1-0, 42. minutuan: Aduriz. 1-1, 54. minutuan: Raul Garcia. 1-2, 85. minutuan: Diego Costa.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.