Kopako finalerako sarrerak erosteko epea, zabalik
Maiatzaren 25ean Athleticek Bartzelonaren aurka jokatuko duen Errege Kopako finalerako sarrerak maiatzaren 11tik aurrera jarriko dira salgai. Zozketan sarituak izan ziren bazkideek gaur hasita eta maiatzaren 23ra arte erosi ahalko dituzte sarrerak.
Egunero 1.500 bazkide deituak izango dira sarrera jasotzeko, jada argitaratu den zerrendaren arabera.
Dagokion bazkide edo hartzaile bakoitzak, bere sarrera hartu ahal izango du dagokion txandan, edota hurrengo txandetan. Edozein arazo dela medio dagokion txandan ezin badu hartu, ez dago aukerarik aurreko txandetan hartzeko.
Jasotzeko unean sarrera mota aukeratu ahal izango da, beti ere eskuragarritasunaren arabera. Txanda bakoitzeko sarrerak leihatilara iritsitako ordenan banatuko dira; beraz, sarrera motaren aukeraketa sarrera jasotzen duen pertsonak egingo du une horretan dauden aukeren artean.
Pertsona bakar batek gehienez ere 4 sarrera jaso eta ordaindu ahal izango ditu. Dena dela, sarrera guztiek jasotzen ari den txandakoak eta aurreko txandetakoak izan beharko dute, inoiz ez hurrengo txandetakoak.
Leihatilatik sarrerak jasotzeko ezinbestean baldintza hauek bete beharko dira:
Sarreraren onuradun den bazkidearen txartel originala aurkeztea.
Ordainketa egiten duen eta sarrerak jasotzen dituen pertsonaren Nortasun Agiria (NAN), gida-baimena edo pasaporte originala eta indarrean dagoena aurkeztea. Pertsona hori sarituetako bat edo beste norbait izan daiteke.
Jasotzen diren unean ordaindu beharko dira, bai esku-dirutan bai kreditu txartelarekin.
Jasotako sarreren zenbakia eta erreferentzia, onuradunen nortasuna eta sarrerak jasotzen dituen pertsonaren nortasuna egiaztatzen duen ziurtagiria sinatu beharko da.
SARRERA MOTAK ETA PREZIOAK
Grada fondo norte 3.325 sarrera egongo dira 80€
Tribuna fondo norte 2.666 sarrera egongo dira 110€
Primer anfiteatro fondo norte 2.827 sarrera egongo dira 70€
Segundo anfiteatro fondo norte 3.357 sarrera egongo dira 60€
Grada lateral 848 sarrera egongo dira 180€
Tribuna lateral 704 sarrera egongo dira 180€
Primer anfiteatro lateral 720 sarrera egongo dira 150€
Segundo anfiteatro lateral 833 sarrera egongo dira 120€
Preferencia grada baja 368 sarrera egongo dira 150€
Preferencia grada alta 782 sarrera egongo dira 180€
Tribuna superior baja 403 sarrera egongo dira 200€
Tribuna superior alta 167 sarrera egongo dira 180€
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.