Athletic, Schalke 04ren eta Barçaren aurka 48 ordu pasa gabe?
BBVA Ligan ohikoa da egun batzuk lehenagora arte partiden datak eta ordutegiak ez jakitea eta horrek kezka eta urduritasuna sortzen du zaleen eta kluben artean.
Oraingoan, Bartzelona-Athletic partidarekin dator polemika. Espainiako Futbol Federazioak eta Futbol Loga Profesionalak ez dute partida honen data jakinarazi oraindik, baina Bartzelonak martxoaren 31n (larunbatean) jokatu nahi du Athleticen aurka.
Athleticek, ordea, martxoaren 29an (ostegunean) jokatuko du Gelsenkirchenen Schalke 04ren aurka eta partida 21:05ean hasiko da. Alemaniarren aurkako partida 23:00etan amaituko da. Espainiako Ligan larunbatean jokatzen diren partiden artean beranduen jokatzen dena gaueko 22:00etan izaten da eta kasu horretan ez dira betetzen partida batetik bestera talde batek izan behar duen 48 orduko atseden denbora.
Bartzelonak Milanen aurka jokatuko du Txapeldunen Ligako itzulerako partida apirilaren 3an 20:45ean eta horregatik larunbatean jokatu nahian ari da. Ordutegiak telebista produktora batek finkatzen ditu eta aurtengoan Athletici ez dio mesede egin ordutegiekin.
Bi taldeentzat onena igandean, apirilaren 1ean eguerdiko 12:00etan jokatzea izango litzateke, baina Bartzelona da eguerdiko 12:00etako ordutegian jokatu partidarik ez duen BBVA Ligako talde bakarra.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.