Carlos Vicentek Alaves utzi du eta Birmingham Cityn ibiliko da aurrerantzean
Carlos Vicente 2023ko abenduan iritsi zen Gasteizera, Ferrolgo Racingetik, eta 81 partida jokatu ditu Arabako taldearekin. 2029ra arteko kontratua sinatu du Ingalaterrako taldearekin.
Carlos Vicente, Alavesen elastikoarekin, gol bat ospatzen. Argazkia: Europa Press
Alavesek eta Birmingham Cityk akordioa lortu dute Carlos Vicenteren salmenta gauzatzeko, talde babazorroan bi denboraldi eman ostean, klubak ohar baten bidez baieztatu duenez.
Vicentek 2029ra arte sinatu du Ingalaterrako taldearekin. Jokalaria astelehenean iritsi zen Birminghamera, Championshipeko (bigarren maila) klubarekin akordioa ixteko.
Vicente 2023ko abenduan iritsi zen Gasteizera, Ferrolgo Racingetik, eta, bi denboraldi hauetan, jokalari aragoiarrak 81 neurketa jokatu ditu babazorroen elastikoarekin. Denboraldi honetan 10 gol sartu ditu.
Alavesek eskerrak eman dizkio Carlos Vicenteri egunero egin duen lanagatik eta kirol-proiektuan izan duen inplikazioagatik, eta profesional eta pertsona gisa izan duen jokabide eredugarriagatik".
Halaber, Arabako taldeak "zorterik handiena" opa dio "bere ibilbide profesionalaren aro berri honetan, Ingalaterrako futbolean eta etorkizun pertsonalean".
Carlos Vicente
Eskerrik asko, bihotzez, nire familiari
Ingalaterrako taldeak fitxatu duela iragarri ostean, Aragoiko futbolariak mezu bat argitaratu du bere sare sozialetan, batez ere jarraitzaile babazorroei zuzenduta. "Eskerrik asko, bihotzez", esan dio bere "familiari". Vicentek erantsi duenez, "pribilegiatua da" Gasteizko taldearen "historiaren parte" izan delako.
"Eskerrik asko, iritsi nintzenetik ni gasteiztar sentiarazteagatik, eskerrik asko gehien gustatzen zaidana egiteko aukera emateagatik, eta Alavesen elastikoa jantzita eta Mendizorrotzan jokatuz gozatu dudan bezala gozatzen uzteagatik", adierazi du.
"Gasteiztarra eta arabarra, betiko. Ziur nago gure bideek berriro egingo dutela bat", gaineratu du bere komunikatuan.
Zure interesekoa izan daiteke
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Protesonik 2028ra arte berritu du kontratua Alavesekin
Uruguaiko jokalariak lau denboraldi daramatza Gasteizen, eta 105 partida ofizial jokatu ditu.
Jon Guridik Alaves utzi du, Sevillan jokatzeko
Erdilari gipuzkoarrak lau denboraldi egin ditu Arabako taldean, 148 partida ofizial jokatuta.
Alavesek Andrea Estebanen kontratua 2027ra arte luzatu duela iragarri du
Talde gasteiztarrak eta entrenatzaileak beste urtebetez luzatu dute euren arteko lotura, eta, beraz, laugarren denboraldiari ekingo dio Moeve F Ligara igoera lortu eta gero.
Alavesek Mendizorrotzan jokatuko du etxeko talde gisa Moeve Ligan
Gasteizko taldea goreneko mailara igo da, eta, hortaz, Ibaia utzi eta Mendizorrotzan jokatuko du; neurketa batzuetan izan da bertan.
Asun Gorospe zale babazorro ospetsua zendu da, 88 urte zituela
Txikitatik, ia futbol-zelai guztietan babestu du bere taldea, osasunak horretarako aukera eman dion arte. Jarraitzaile arabarrak harreman estua izan zuen talde babazorroko jokalari askorekin.
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.