Siverak gol zaparrada saihestu du, Alavesek Getaferen aurka galdutako partidan (2-0)
Alaves galtzaile atera da Getaferen aurka EA Sports Ligako 8. jardunaldian jokatutako partidan. Madrildarrak 2 eta 0 gailendu dira, eta gol gehiago sartzeko aukera argiak izan dituzte, baina Antonnio Sivera babazorroen atezaina ikusgarri aritu da eta bere taldeak gol zaparrada jasotzea saihestu du.
Neurketa gogorra jokatu dute bi taldeek; 37 falta izan dira guztira, denboraldi honetan partida batean izandako kopururik handiena.
Luis Garciak aldaketa ugari egin ditu hasierako hamaikakoan, aurreko jardunaldian Real Madrilen aurka zelairatu zuen taldearekin alderatuta. Babazorroak posizio erosoan daude Ligako sailkapenean, eta entrenatzaileak aldaketak egiteko aukera baliatu du. Lau jokalari bakarrik errepikatu ditu, aurreko norgehiagokako hamaikakoari begiratuta: Antonio Sivera, Moussa Diarra, Abdel Abqar eta Carlos Benavidez Protesoni.
Gaurkoan, baina, aldaketek ez diote taldearei mesede handirik egin. Getafe lehenengo minutuetatik hasi da jokoaren kontrola hartzen, faltaz eta etenaldiz josita izan den partidan. Lehen zatian, guztira 22 falta izan dira, horietako 14 bisitariek egindakoak.
Aukerak gutxi izan diren arren, Getaferentzat nahikoa izan dira, eta atsedenaldira aurretik joan dira Bordalasen jokalariak. Arambarrik sartu du madrildarren lehen gola 42. minutuan egindako falta jaurtiketa baten bidez. Baloiak Alaveseko jokalariek osatutako hesian jo du, Protesoniren buruan, eta horrek Sivera despistatu du (1-0).
Babazorroen lehen zatiko aurkerarik argiena Uche Getafeko jokalariak sortu du, nahi gabe, atsedenaldiaren atarian. David Soriak Joan Jordanen jaurtiketa arriskutsu bat aldaratu du, eta baloiak Ucheren eskua ukitu du area barruan, Aranbarri jo ostean. Epaileak ez du zalantzarik izan, eta penalti adierazi du, baina VARetik jokaldia berriz aztertzeko esan diote, eta hasiera batean hartutako erabakia zuzendu du ondoren.
Bigarren zatian, bisitarien arean ustez eskuz jotako baloi bat berriro ikuskatzeko deitu diote Isidro Díaz de Mera epaileari, eta jokaldia berrikusitakoan, penalti adierazi du. Irudien arabera, Carlos Vicentek eskuarekin ukitu du Omar Alderetek egindako errematea.
Penaltia Luis Millak jaurti du, eta baita sartu ere, partida amaitzeko ordu erdiren faltan (2-0).
Partidaren azken txanpan, Siverak jardunaldiko geldiketa egin du, ikusgarria, Diego Ricoren erremate bikain bat eskuarekin urruntzeko. Beste bi geldiketa bikain ere egin ditu ondoren, Carles Perezek eta Alvaro Rodriguezek egindako jaurtiketei erantzunez.
Azkenean, 2 eta 0 nagusitu da Getafe.
Fitxa teknikoa:
2.- Getafe: Soria; Djene, Berrocal, Alderete, Diego Rico; Carles Pérez, Milla, Arambarri (Nabil, 89. min), Sola (Juan Iglesias, 69. min); Uche (Alvaro Rodríguez, 89. min) eta Bertug (Mayoral, 74. min).
0.- Alaves: Sivera; Tenaglia, Abqar (Manu Sánchez, 55. min), Sedlar (Mouriño, 55. min), Diarra; Jordán, Protesoni (Antonio Blanco, 55. min); Carlos Vicente, Stoichkov, Carlos Martín (Kike García, 46. min); eta Toni Martínez (Villalibre, 69. min).
Golak: 1-0, 42. min: Arambarri; 2-0, 58. min: Milla, penaltiz.
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.