Alavesek Espanyolen aurka galdu du eta lau partida jarraian daramatza irabazi gabe
Alavesek 2 eta 1 galdu du Espanyolen aurka RCDE Stadiumean jokatu duen Ligako 32. jardunaldiko partida. Ondorioz, lau partida jarraian daramatza Arabako taldeak garaipenik lortu gabe, eta Europarako postuetatik aldentzen ari da apurka-apurka.
Espanyol izan da baloiaren jabe hasierako minutuetan, eta abagune argirik sortu ez duen arren, atzean sartu du Alaves. Nagusi izan da etxeko taldea, eta 15. minutuan Borja Iglesiasek gola sartu du, baina jokoz kanpo egon da, eta epaileak baliorik gabe utzi du. Hala ere, lau minutu beranduago, Espanyolek 1 eta 0ekoa sartu du, Pedrosaren bitartez. Melendok pase dotorea eman dio esker hegaleko jokalariari eta amaiera ona eman dio Pacheco atezainaren aurrean.
Alaves ezinean ibili da lehen zatian. Defentsako lan ona egin du, baina erasoan ez du ia ezer egin. Arabako taldeak lehen 45 minutuetan izan duen abagune bakarra, 39. minutuan iritsi da, Manu Garciak egin duen erremate baten bitartez, baina Diego Lopez atezainak arazo handiegirik gabe gelditu du.
Bigarren zatiak oso hasiera txarra izan du Alavesentzat, baloia jokoan jarri eta bi minutu beranduago, Espanyolek gola sartu baitu. Melendok pasea eman dio Borja Iglesiasi, aurrelaria area barruan sartu da, eta 2 eta 0ekoa sartu du, baloiak Laguardiaren jo eta Pacheco atezaina gainditu ondoren.
Gol hau jaso ostean, erasora jo du Alavesek. Ez du gol-aukera argiegirik sortu, baina 56. minutuan Jonyk hegaletik egin duen erdiraketa Callerik jaso du area barruan, kontrol ona egin, eta Diego Lopez atezaina gainditzea lortu du (2-1).
Alavesen golak partida nahastea eragin du. Falta ugari bi taldeen aldetik, joko-etenaldi asko, eta abagunerik ez bi taldeetako batentzat ere. Rubi (Espanyol) eta Abelardo (Alaves) entrenatzaileek aldaketak egin dituzte irtenbide bila, gol-aukerak sortzeko asmoarekin, baina alferrik.
Partidaren azken txanpan, Alaves berdinketa lortzen saiatu da aurkariaren areara baloi luzeak jarriz, baina ez du Espanyol arazoetan sartu. Etxeko taldea, aldiz, kontraerasoen bitartez ahalegindu da hirugarren gola sartzen, baina ez du lortu. Amaieran, talde perikitoak eskuratu ditu hiru puntuak.
Fitxa teknikoa:
2 - Espanyol: Diego Lopez; Rosales (Javi Lopez, 27. min), Naldo, Hermoso, Pedrosa; Melendo (Duarte, 85. min), Victor Sanchez, Marc Roca, Darder; Borja Iglesias eta Wu Lei (Sergio García, 64. min).
1 - Alaves: Pacheco; Ximo, Laguardia, Rodrigo Ely, Duarte; Inui (Twumasi, min.69), Brasanac (Wakaso, min.69), Manu García, Jony; Bastón (Rolan, min.68) y Calleri.
Golak: 1-0: Pedrosa, 19. min. 2-0: Laguardia (b.a.), 48. min. 2-1: Calleri, 56. min.
Epailea: Iglesias Villanueva. Txartel horiak atera dizkie Naldo (20. min), Duarte (39. min) eta Darder (53. min) Espanyoleko jokalariei, baita Laguardia (80. min) eta Roca (84. min) Alaveseko jokalariei.
Zure interesekoa izan daiteke
Aitor Mañasek alta jaso du, Racingen aurka garuneko kommozioa izan eta gero
Harrobiko jokalariak bere taldeak Valentziaren eta Athleticen aurka jokatuko dituen partidak galduko ditu, eta denborak argituko du hurrengo partidetak jokatzeko moduan izango den.
Guallarrek garaipena eman dio Alavesi Granadaren aurka (1-0)
Ainhoa Guallarrek lehen zatiko denbora erantsian sartutako golari esker Alaves Gloriosasek Granada mendean hartu du igande honetan eta denboraldiko bigarren garaipena lortu du Mendizorrotzan.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.