Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
-4:eitb-banner?$eitb-banner$&fmt=webp-alpha&qlt=80 "Harry Kanek Real Madrili eman dio gola eta Kai Havertzek Sporting Portugali. Argazkia: EFE")
Harry Kanek Real Madrili eta Kai Havertzek Sporting Portugali sartutako golen ospakizunak. Argazkia: EFE / EITBKirolak
Bayern Munich Txapeldunen Ligako finalerdietara hurbildu da astearte honetan Real Madrili irabazita, Santiago Bernabeun, final-laurdenetako joaneko partidan (1-2).
Alemaniako txapeldunak abantaila hartu du atsedenaldiaren atarian, 41. minutuan, Luis Diaz kolonbiarraren golarekin, eta bigarren zatiaren hasieran, Harry Kanek, area ertzetik egindako jaurtiketa batekin, bigarrena egin du.
Vincent Kompanyk entrenatutako taldeak, Michael Olise erabakigarri batekin, hobeto ulertu du neurketa, eta azken 25 urteetan lehen aldiz irabazi du Santiago Bernabeun. Hala ere, bizirauteko moduan utzi du 15 aldiz Europako txapeldun izan den talde zuria. Arbeloaren taldeak partida txarra egin ez duen arren, ezin konta ahala aldiz egin du topo Manuel Neuer atezain alemaniarrarekin. Merituzko bederatzi geldiketa egin ditu Bayernen atezainak.
Aurelien Tchouameni frantziarrak txartel horia ikusi du eta ezin izango du itzuliko partida jokatu, apirilaren 15ean, asteazkenean, Munichen.
Bestalde, Arsenalek Sporting Portugal gainditu du (0-1) Jose Alvalade futbol-zelaian, Kai Havertzek azken hatsean sartutako golari esker. Horrek abantaila eman dio Arsenali datorren asteazkenean Emirates Stadiumen jokatuko den itzuliko norgehiagokari begira.
Arsenalen aulkiaren sakontasuna erabakigarria izan da Mikel Artetaren mutilek garaipena lortzeko. Gabriel Martinelli eta Kai Havertz jokalarien artean garaipenaren gola egin dute, eta biak partidaren azken zatian berdeguneratu dira. Brasildarrak luzapenean golaren pasea eman dio alemaniarrari.
Zure interesekoa izan daiteke
Bartzelonak laugarren Txapeldunen Liga irabazi du Lyon garaituta
4-0 nagusitu da, Pajorren eta Parallueloren bina golei esker, bi urte geroago berriro Europako Txapeldunen Kopa eskuratzeko.
Damaris Egurrola, Txapeldunen Ligako bere hirugarren finalaren aurrean
Asteburu honetan jokatuko da emakumezkoen Txapeldunen Ligako finala. Bartzelona eta Olympique Lyon izango dira nor baino nor gehiago Oslon.
Kongoko selekzioak bertan behera utzi ditu Kinshasan egin behar zituen lan saioak eta agurra, ebola agerraldiagatik
Selekzioko bozeramaileak adierazi duenez, Kongoko jokalariak Munduko Txapelketa baino lehen kutsatzeko beldurrik ez da izan behar, ia jokalari guztiek atzerrian jokatzen baitute, batez ere Frantzian.
Aston Villak Friburgo hartu du mendean (0-3), eta Emeryk bere bosgarren Europa Liga irabazi du
Hondarribiko entrenatzaileak talde ingelesa garaipena lortzera eraman du Istanbulen jokatu den finalean. Aston Villa nagusi izan da norgehiagokan, eta finala aise irabazi du.
Iraolaren Bournemouthek Cityrekin berdindu du, eta Artetaren Arsenal txapeldun egin du
Horrela, Londresko taldeak Premier Liga irabazi du, 22 urte eta gero. Arsenalek hamalaugarren liga bereganatu du.
Bartzelona, Kopan ere nagusi
Kataluniako taldeak 12. Erreginaren Kopa irabazi du, hirugarrena jarraian, Atletico Madrili 3-1 irabazita.
Olatz Rivera bizkaitarra izango da Erregina Koparen finaleko epailea
Gainera, epaile bilbotarrak Iragartze Fernandez getxotarra eta Haizea Castresana laudioarra izango ditu marrazain.
Aston Villa-Friburgo, Europa Ligako finala, eta Rayo Vallecano-Crystal Palace, Konferentzia Ligako finala
Iñigo Perez entrenatzaile nafarrak Madrilgo langile auzoko taldea bere historiako lehen finalerako sailkatu du, Estrasburgo finalerdietan kanporatuta. Bestalde, Unai Emery gipuzkoarraren Aston Villak Nottingham Foresten aurkako kanporaketa irauli du itzuliko neurketan.
Egungo txapeldunak, PSGk, Arsenalekin hitzordua du finalean, Bayern kanporatu ondoren (1-1)
Dembelek neurketa hasi eta bi minutura sartutako golak Frantziako taldea aurretik jarri du. Kanek 94. minutuan norgehiagoka berdindu du, baina Bavariako taldeak beste gol bat behar zuen luzapena lortzeko, baina berandu zen ordurako.
Sakaren gol batek Arsenal bere bigarren finalean sartu du, Atletico mendean hartuta (1-0)
Mikel Artetaren jokalariak maiatzaren 30ean, Budapesteko Puskas Arenan, jokatuko den finalerako aurkaria nor izango den zain daude.