Sakaren gol batek Arsenal bere bigarren finalean sartu du, Atletico mendean hartuta (1-0)
Mikel Artetaren jokalariek maiatzaren 30ean, Budapesteko Puskas Arenan, jokatuko den finalerako aurkariaren zain daude jadanik.
Arsenalek Txapeldunen Ligako bere bigarren finalerako txartela lortu du, gaur Emirates Stadiumen Atletico Madrilen aurkako itzulerako partida irabazi ondoren (1-0). Bukayo Sakak atsedenaldiaren atarian sartutako gol batek eman dio sailkapena Londreseko taldeari. Era berean, Sakaren golak talde madrildarrari kontinenteko txapelketa nagusiko laugarren finala jokatzea eragotzi dio.
Joaneko partidan, Riyadh Air Metropolitanon, banakoa lortu ostean, Diego Pablo Simeoneren mutilek talde ingelesa estutu nahi izan dute Londresen. Atsedenaldia baino lehen aurrea hartu du markagailuan Mikel Artetak zuzendutako taldeak, gol psikologikoa sartuta.
Bigarren zatian, Giulianok penaltia eskatu du Gabrielek lurrera bota ondoren, Griezmann area barruan erori baino minutu batzuk lehenago, Calafiorik zapaldu ostean. Epaileak ez du ezer adierazi bi jokaldietan. Erreakzioa ez da iritsi, eta koltxoneroek agur esan diote txapelketako ametsari.
Horrela, Mikel Artetaren taldeak datorren maiatzak 30ean, Budapesteko Puskas Arenan, jokatuko den finalerako aurkariaren zain daude dagoeneko. Paris Saint-Germainek Bayern Munich gainditu zuen (5-4) Printzeen Parkean jokatuko zen joaneko partidan, eta Allianz Arenak erabakiko du asteazken honetan.
Zure interesekoa izan daiteke
Bartzelonak Olympique Lyon izango du aurkari Txapeldunen Ligako finalean berriro ere
Kataluniako taldeak zazpigarren finala du. Azkenengo seiak jarraian jokatu ditu. Final handia Osloko (Norvegia) Ullevaal futbol-zelaian jokatuko da, maiatzaren 23an, larunbatez.
Atleticok eta Arsenalek bana berdindu dute, eta penaltiak izan dira neurketako protagonistak
Viktor Gyokeresek sartutako penalti batek aurreratu du Arsenal, baina Julian Alvarezek berdinketa ezarri du, hamaika metroetatik. Epaileak ingelesen aldeko beste penalti bat adierazi du, baina VARak deituta, eta jokaldia berriz aztertu ondoren, atzera bota du erabakia.
PSGk abantaila txikia hartu du bi erraldoiren arteko historiarako lehian (5-4)
Luis Enriqueren taldeak hiru goleko errenta izan du neurketan zehar, baina Bavariako taldeak erreakzionatu egin du, eta kanporaketa zabalik utzi.
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.