Bartzelonak eta Inter Milanek hiruna berdindu dute Txapeldunen Ligako finalaurrekoetako joanekoan
Bartzelonak eta Inter Milanek hiruko berdinketarekin amaitu zuten asteazkenean, Txapeldunen Ligako finalaurrekoetako joanekoan. Italiako taldea bitan jarri zen aurretik markagailuan, baina etxekoek, Lamine Yamalek gidatuta, berdinketa eskuratu zuten, eta kanporaketa Milanen erabakiko da, datorren asteko itzulikoan.
Lehen gola partida hasi bezain pronto heldu zen, Marcus Thuramek Inter Milan aurreratzeko sartu zuena, Bartzelonaren atera iritsi zen lehen jokaldian. Ondoren, 12. minutuan, Ferran Torresek Kataluniako taldearentzat berdinketa eskuratzeko aukera izan zuen, baina ez zuen asmatu egindako jaurtiketarekin.
Lamine Yamalek estutu zuen italiarrekiko aldea, 24. minutuan 1-2koa eginda, gol eder batekin. Lehen zatia amaitzear zela, Torresek sartu zuen Barçaren bigarrena,Pedriren eta Raphinaren arteko konbinazio on bat aprobetxatuta. Hortaz, bina berdinduta joan ziren aldageletara.
Bigarren zatia erritmo lasaiagoan hasi zen, lehen 45 minutuetako bizitasuna atzean utzita. Neurketaren 60. minutua beteta zela, Dumfriesek egin zuen Inter Milanen hirugarrena, korner batean. Hala eta guztiz ere, handik gutxira, Raphinak partida berdindu zuen, urrunetik egindako ezkerkada batez baloia sare barrura bidalita, zutoina eta Sommer atezainaren bizkarra jo eta gero.
Inter gai izan zen Bartzelonak azken minutuetan ezarritako presioari aurre egiteko, eta 3-3 amaitu zuten. Hala, hurrengo asteartean jakingo dugu nork lortzen duen finalerako txartela.
FITXA TEKNIKOA:
-HAMAIKAKOAK:
Bartzelona (3): Szczesny; Kounde (Eric Garcia, 42. min), Cubarsi (Christensen, 83. min), Iñigo Martinez, Gerard Martin (Ronald Araujo, 46. min); De Jong, Pedri (Gavi, 83. min), Olmo (Fermin, 68. min); Lamine Yamal, Ferran Torres, Raphinha.
Inter (3): Sommer; Bisseck, Acerbi, Bastoni; Dumfries (Darmian, 81. min), Barella, Hakan Çalhanoglu (Frattesi, 71. min), Mkhitaryan, Dimarco (Augusto, 56. min); Thuram (Zielinski, 81. min), Lautaro Martinez (Taremi, 46. min).
-GOLAK: Thuram (0-1, 1. min), Dumfries (0-2, 21. min), Lamine Yamal (1-2, 24. min), Ferran Torres (2-2, 38. min), Dumfries (2-3, 63. min).
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).