PSGk 0-1 irabazi dio Arsenali, Txapeldunen Ligako finalaurrekoetako joanekoan
Paris Saint-Germainek Mikel Artetaren Arsenal mendean hartu zuen asteartean, 0-1, Txapeldunen Ligako finalaurrekoetako joaneko neurketan, Ousmane Dembélé frantziarrak laugarren minutuan sartutako gol bati esker. Horrenbestez, Luis Enriquek gidatzen duen taldeak abantaila horrekin ekingo dio itzuliko hitzorduari, Parisen; Arsenalek, ostera, aurkako emaitza irauli beharko du, finalerako aukeraren bat izateko.
PSGk neurketa hasi eta berehala hartu zuen aurrea markagailuan. Laugarren minutuan, Ousmane Dembélék baloia Khvicha Kvaratskheliari pasa zion bandara; jarraian, hark berriz atzera aurrelariari utzi ostean, erremate gurutzatu batekin, baloia ate barrura bidali zuen.
Lehen ordu laurdena baino lehen, Marquinhosek David Raya PSGko atezainaren dohainak proban jarri zituen burukada batekin. Ondoren, 24. minutuan, Jakub Kiwiorek izan zuen Arsenalen lehen gol-aukera garbia, baina Gianluigi Donnarummak geratu zuen, arazorik gabe.
Apurka-apurka, etxekoak estutzen hasi ziren lehen zatiaren azken minutuetan. Batetik, Bukayo Sakak eta, bestetik, Gabriel Martinellik Donnarumma lanean jarri zuten. Aldageletatik bueltan, 47. minutuan, Mikel Merinok neurketa berdindu zuen, baina epaileak bertan behera utzi zuen gola, jokoz kanpo egoteagatik.
Norgehiagokako 70. minutuan, Dembélék zelaia utzi behar izan zuen, min hartuta, eta Bradley Barcola zelairatu zen haren ordez. Gonçalo Ramosekin pareta bikaina egin ostean, bigarren gola barkatu zuen Barcolak, jaurtiketa gurutzatuegi joan zelako. Huts eta batekoak Pariseko itzulikora abantailarekin joatea ahalbidetu die Luis Enriqueren taldeari, astebete barru.
FITXA TEKNIKOA
-HAMAIKAKOAK:
ARSENAL (0): Raya; Timber (White, 83. min), Saliba, Kiwior, Lewis-Skelly; Rice, Merino, Odegaard (Nwaneri, 90. min); Saka, Martinelli; eta Trossard.
PARIS SAINT-GERMAIN (1): Donnarumma; Achraf Hakimi, Marquinhos, Pacho, Nuno Mendes; Neves (Zaïre-Emery, 89. min), Vitinha, Fabian; Doue (Gonçalo Ramos, 76. min), Kvaratskhelia; eta Dembélé (Barcola, 70. min).
-GOLAK: 0-1, 4. min: Dembélé.
-EPAILEA: Slavko Vincic (SLO). Arsenaleko Trossardek (10. min) eta Sakak txartel horia ikusi zuten (43. min) eta Achraf Hakimiri (44. min) eta Joao Nevesi (46. min) PSGtik.
-ZELAIA: Emirates Stadium.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).