Athletic, Osasuna eta Reala, Errege Kopako final-laurdenetako txartelaren bila
Athleticek, Osasunak eta Realak Errege Kopako final-laurdenetarako bidea hartu nahi dute gaur arratsaldean, 19:30ean, final-zortzirenetako partidetan aurrera eginda.
Batetik, Athleticek eta Osasunak elkarren aurka jokatuko dute San Mamesen. Kopako derbi honetarako, badirudi Vicente Morenok Nafarroako taldeko ohiko jokalariak prest dituela; atean izan ezik, Kopako azken hiru kanporaketetan gertatu den moduan, Aitor Fernandez izango baita atezaina. Budimir, Areso, Aimar eta Moncayola bueltan dira, Metropolitanon aulkian geratu eta gero. Bryan Zaragoza ere taldearekin entrenatzera itzuli da, eskuin oineko bosgarren metatartsianoan zuen haustura osatu ostean, baina Moreno entrenatzaileak prentsaurrekoan zehaztu duenez, ez du oraindik deialdian sartuko. Kanpoan geratuko dira, era berean, Ruben Peña eta Jose Arnaiz, kalentura dutelako.
Athletici dagokionez, Iñigo Ruiz de Galarreta jokatzeko moduan izango du Valverdek; ez, ostera, Oihan Sancet, orain dela hiru astetik orkatilleko lesioa duelako. Lehoien entrenatzailearen iritziz, "partida guztiz irekia" izango da, duela bi urte bi taldeek jokatu zuten joan-etorriko kanporaketaren "antzekoa". Orduan, Nafarroako taldeak egin zuen aurrera.
Bestetik, Realak Rayo Vallecano izango du aurkari etxean. Astelehenean garaipena lortu zuen Vila-realen kontra ligan, Take Kuboren gol bati esker. Imanol Alguacilek bueltan ditu Igor Zubeldia eta Becker, baina Zakharian baja izango da, operatutako orkatillean min duelako. Alvaro Odriozola ere ez da deialdian sartuko, lesio batetik atera berri delako, Alguacilek berak azaldu duenaren arabera.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.