Sestao Riverrek Celta estutu du Las Llanasen, baina 1-2 galdu du eta Kopatik kanpo gelditu da
Sestao River 2023-24 denboraldiko Errege Kopatik kanpo gelditu da ostegunean, Las Llanasen Celtaren aurka 1-2 galduta. Bizkaiko taldea ondo borrokatu da, eta 1-1ekoa izan du markagailuan, 74. minutuan Unai Nuñezek bere atean sartutako gol baten bidez, baina, handik lau minutura, Tasos Douvikasek bere bigarren gola egin du, penaltiz. Horrenbestez, Celta final hamaseirenetarako sailkatu da, eta Sestao Riverrek bigarren kanporaketan amaitu du aurten txapelketa honetan izandako ibilbidea.
Celta bizi zelairatu da, aurreneko gola berehala sartu nahirik, eta, egia esan, gauzatu egin du helburu hori; izan ere, Rafa Benitezen taldea 17. minutuan jarri da aurretik, Douvikasi esker. Sestao Riverrek, baina, gaitasuna izan du jokoa orekatzeko, eta partida ona egin du atsedenaldira arte, bere indarguneak baliatzen saiatuta. Bizkaiko taldearen aurkaria ez da batere eroso ibili lehen zatiko azken minutuetan, baina, atsedenaldian, Galiziako taldeak eskura zuen garaipena.
Zaleek bultzatuta, Sestao Riverrek indar handiagoz jokatu du bigarren zatian, eta, azkenean, 74. minutuan, berdinketa lortu du; Unai Nuñezek egin du gola, nahi gabe, bere atean. Lau minuturen buruan, penalti eztabaidagarri bat baliatuz, Douvikasek Celtaren eta bere bigarren gola egin du; azken finean, gol horrek erabaki du irabazlea.
Bizkaiko taldeak presio gogorra egin du, norgehiagoka bigarren aldiz berdindu nahirik, baina ez da beste golik izan, eta Celta sailkatu da. Sestao Riverrek sendotasuna erakutsi eta maila eman du EA Sports Ligako aurkari baten kontra.
Fitxa teknikoa
1 - Sestao River: Pere Joan; Markel Etxebarria (Asier del Rio, 90. min), Mirapeix, Gaizka Martinez, Alvaro Mateo (Mario Camero, 80. min); Carbonell (Jon Cabo, 46. min), Armando Corbalan, Gete (Kepa Uriarte, 65. min), Aranzabe; Jon Guruzeta (Ibai Sanz, 80. min) eta Leandro.
2 - Celta: Marchesin; Kevin, Starfelt, Unai Nuñez, Ristic; Miguel Rodriguez (Carles Perez, 65. min), Dotor, Beltran, Cervi (Tapia, 88. min); Williot Swedberg (De la Torre, 83. min) eta Douvikas (Larsen, 88. min).
Golak: 0-1, 17. min: Douvikas. 1-1, 73. min: Unai Nuñez, bere atean. 1-2, 78. min: Douvikas, penaltiz.
Epailea: Pablo Gonzalez Fuertes (Asturias). Sestaoko Gete, Mateo eta Pere Joan eta Celtako Miguel Rodriguez zigortu ditu, txartel horia aterata.
Gerkakizunak: Errege Kopako bigarren kanporaketako partida. Las Llanasen jokatu dute, eta 3.700 bat zale bildu dira bertan.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.