Jamaikak eta Frantziak Munduko Txapelketatik kanpo utzi dute Brasil
Jamaikak ezustekoa eman du asteazken honetan Australia eta Zeelanda Berriko Munduko Txapelketan, Brasilen aurka golik gabe berdinduta, F multzoko hirugarren jardunaldian. Hala, karibetarrek final-zortzirenetara sailkatzea lortu dute bere historian lehen aldiz. Emaitza horrek multzoen fasetik kanpo utzi du Brasil (1995etik ez da halakorik gertatu).
Brasilek ezin izan dio markagailuan aurrea hartu Jamaikako selekzioari, nahiz eta lehen zatian hamaika erremate egin dituen, horietatik sei ate barrura. Aitzitik, brasildarrek Spencer seguru bat aurkitu dute atepean, eta, besteak beste, bi gelditu bikain egin dizkio Tamiresi, bi gol-aukera argi ezerezean uzteko.
Bigarren zatian, neurketak ildo beretik jarraitu du. Hala, Spencerrek hutsean eutsi dio markagailuari. Bera izan da bere taldearen sostengua, Jamaikako atezainak ez baitu golik jaso multzoen fase osoan.
Azken minutuetan, Jamaikak sufritu egin du, Brasil eraso bizian aritu baita. Azken kornerrean, atezain brasildarra ere igo da errematatzera, baina Spencerrek Debinharen burukada harrapatu du, eta horrela sailkatu da bere selekzioa.
Frantziak asmatu egin du ate aurrean
Bestalde, Frantziako selekzioa galtzen hasi da Panamaren aurka, Marta Coxek bigarren minutuan gol bikaina sartu baitu; haatik, lehen zatian lau gol sartu dizkie panamarrei, haien itxaropen guztiak zapuzteko. Azkenerako, 3-6ko emaitzarekin amaitu da norgehiagoka.
Frantziarrek Maëlle Lakrar (21. min), Kadidiatou Diani (28. min eta 37. min, penaltiz) eta Léa Le Garrec (45. min) izan ditu golegile lehen zatian Coxen gol goiztiarra jaso ostean markagailua iraultzeko.
Atsedenaldiaren ostean, Frantziak bosgarrena sartu du, Kadidiatou Dianik hamaika metroko puntutik bere hirugarren gola eginda. Yenith Bailey atezain panamarrak aurrelari frantziarraren asmoak igarri ditu, baina bere jaurtiketa zutoinera itsatsirik joan da, eta atezainak ezin izan du gelditu.
Panamak emaitza itxuratu du Yomira Pinzonek penaltiz (64. min) eta Lineth Cedeñok (87. min) sartutako golei esker. Neurketa 104. minutura arte luzatu da, eta Vicki Becho frantziarrak horixe probestu du bere taldearen seigarrena egiteko (100. min).
Jamaikak eta Frantziak ostegun honetan ezagutuko dituzte final-zortzirenetako aurkariak.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.