Real Madrilek multzoko lidergoa eskuratu du eta Atletico Madril final-zortzirenetara sailkatu da
Astearte honetan jokatu dira Txapeldunen Ligako seigarren jardunaldiko A, B, C eta D multzoetako partidak. Real Madrilek aurrera egin du D multzoko lider moduan eta Atletico Madrilek final-zortzirenetara sailkatzea lortu du.
B multzoko azken postuan ekin dio jardunaldiari Atletico Madrilek, baina garaipena lortu du Portoren aurka (1-3) eta aurrera egin du multzoko bigarren sailkatu moduan. Lehen postua bermatuta zeukan Liverpoolek irabazi egin dio Milani (1-2), eta hori mesedegarri izan da Madrilgo taldearentzat. Liverpoolek amaitu du lehen postuan 18 punturekin eta neurketa guztiak irabazita, Atletico Madril izan da bigarren 7 punturekin, Portok (5 puntu) Europa Liga jokatuko du hirugarren izan baita, eta Milan (4 puntu) kanporatuta geratu da.
Real Madrilek D multzoko lidergoa izan du jokoan Interren aurka eta irabazi egin du (2-0). Ondorioz, 15 punturekin multzoko lider moduan egongo da final-zortzirenetako zozketan; Inter, aldiz, bigarren izan da 10 punturekin. Europa Liga jokatzea ziurtatuta zuen Sheriffek (7 puntu) berdindu egin du (1-1) kanporatuta zegoen Shakhtarren (2 puntu) kontra.
A multzoan, Manchester Cityk galdu egin du Leipzigen aurka (2-1) eta PSGk mendean hartu du Brujas (4-1). Manchester City izan da multzoko liderra 12 punturekin, PSGk bigarren amaitu du 11 punturekin, Leipzigek (7 puntu) Europa Ligarako txartela eskuratu du multzoen fasea hirugarren postuan bukatuta, eta Brujas (4 puntu) kanporatuta geratu da.
Dena erabakita zegoen C multzoan. Hala ere, lidergoa bermatuta zuen Ajaxek (18 puntu) partida guztiak irabazita amaitu du multzoen fasea, bigarren postua ziurtatuta zuen Sporting Lisboa (9 puntu) mendean hartuta, 4-2ko emaitzarekin. Europa Liga jokatuko duen Borussia Dortmundek (hirugarren, 9 puntu) aise irabazi dio (5-0) kanporatuta eta punturik lortu gabe amaitu duen Besiktasi.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).