Liverpool eta Ajax final-zortzirenetara sailkatu dira
Txapeldunen Ligak gainditu du jada multzoen faseko laugarren jardunaldia. Asteazken honetan, zortzi partida jokatu dira, eta guztietan gol bat baino gehiago ikusi ahal izan dute zaleek.
Liverpoolek final-zortzirenetarako txartela eskuratu du jardunaldiko neurketa handian, Atletico Madril mendean hartuta (2-0). Gainera, Ingalaterrako taldeak B multzoko lidergoa bermatu du. Multzoko beste partidan, Milanek eta Portok bana (1-1) berdindu dute. Emaitza horien ondorioz, sailkapenaren buruan da Liverpool 12 punturekin, Porto da bigarren 5 punturekin, hirugarren postuan da Atletico Madril 4 punturekin eta Milan da azkena puntu bakarrarekin.
Ajaxek ere lortu du hurrengo faserako txartela, Borussia Dortmundi irabazi (1-3) baitio. Herbehereetako taldea da C multzoko liderra, 12 punturekin, eta Borussia Dortmundek (bigarren) eta Sporting Lisboak (hirugarren) seina puntu dituzte. Portugalgo taldeak garaipena lortu du Besiktasen kontra (4-0). Turkiarrek ez dute punturik lortu oraindik, eta kanporatuta daude.
B multzoan, Real Madrilek irabazi egin dio Shakhtar Donetski (2-1), eta Inter Milan garaile atera da Sheriffen aurka (1-3). Ondorioz, Real Madril da liderra 9 punturekin, Inter bigarren postuan dago 7 punturekin, Sheriff dago hirugarren 6 punturekin, eta Shakhtar da azkena puntu bakarrarekin.
Lider aldaketa egon da A multzoan; izan ere, Manchester Cityk mendean hartu du Brujas (4-1), eta Leipzigek eta PSGk bina (2-2) berdindu dute. Orain, City da lider (9 puntu), PSG dago bigarren (8 puntu), Brujas da hirugarren (4 puntu), eta Leipzig dago azken postuan (1 puntu).
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).