2024ko emakumezkoen Txapeldunen Ligako eta 2025eko gizonezkoen Europa Ligako finalak Bilbon jokatuko dituzte
San Mames futbol-zelaian 2024ko emakumezkoen Txapeldunen Ligako eta 2025eko gizonezkoen Europa Ligako finalak jokatuko dituzte (txapelketa horretan, egun, gizonezko taldeek soilik parte hartzen dute). UEFAren Batzorde Exekutiboak ostiral honetan erabaki du, Bilborentzako konpentsazio gisa; izan ere, Bizkaiko hiriburua, azkenean, ez zen izan anfitrioi 2020ko Eurokopan.
Hala, 2020ko Eurokopan egoitza izan behar zuten bi hiriri antolatze-eskubideak kenduta, UEFAko Batzorde Exekutiboak adiskidetze-akordioa onartu du; bi hiriek txapelketa prestatzeko egindako ahaleginak eta inbertsio ekonomikoa aitortuz, klubetako etorkizuneko final batzuk ematea ebatzi du.
Bilbok, arestian esan bezala, 2024ko emakumezkoen Txapeldunen Ligako eta 2025eko Europa Ligako finalak izango ditu; Dublinek, aldiz, 2024ko Europa Ligako finala hartuko du.
Testuinguru horretan, 2021eko gizonezkoen Txapeldunen Ligako finala Istanbuletik Portora eramatea erabakita, "2023ko gizonezkoen Txapeldunen Ligako finala Istanbuleko Atatürk Olympic Stadiumean jokatuko da", adierazi du UEFAk. 2022ko gizonezkoen finala San Petersburgon izango da.
Gainera, klubetako europar denboraldiaren hasiera-ekitaldia (Txapeldunen Ligako, Europa Ligako eta UEFA Conference Leagueko multzo-faseetako zozketak bertan egiten dituzte) Istanbulen gauzatuko da, 2021/22 eta 2022/23 denboraldietarako.
Bestalde, Munich 2025ean izango da egoitza (2023an izatekoa zen), eta Londreseko Wembley, aldiz, 2024an, aurreikusita zegoenez.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).