Liverpoolek galdu egin du Napolesen eta Valentziak garaipena lortu Stamford Bridgen
Txapeldunen Ligako lehenengo jardunaldiak ezustekotzat har daitezkeen zenbait emaitza ekarri ditu.
Horietako bat Liverpoolen porrota izan da. Lehiaketako egungo txapeldunak 2-0 galdu du Napoliren etxean. Hori bai, joan zen denboraldian ere Jurgen Kloppen mutilek galdu egin zuten Sao Paolon (1-0). Partidako golak bigarren zatian heldu dira: lehendabizikoa, Dries Mertens aurrelari belgikarrak penaltiz egin duena eta, bigarrena, Fernando Llorentek lehia amaitzear lortutakoa.
Bere aldetik, Valentziak garaipen handia erdietsi du Chelsearen zelaian (0-1). Denboraldi hasieran klubean izandako tirabirak alde batera utzi, eta Celadesen jokalariek hiru puntuak bereganatu dituzte Londresen, geldikako jokaldi baten ostean Rodrigo Morenok sartutako golaren bidez. Jasper Cillessen atezainaren jarduna eta Ross Barkleyk huts egin duen etxekoen aldeko penaltia ere erabakigarriak gertatu dira neurketaren nondik norakoan.
Rodrigo Valentziaren gola ospatzen. Argazkia: EFE
Bestalde, Bartzelonak berdinketarekin konformatu behar izan du Dortmundera egin duen bisitan (0-0). Katalanen aldetik Marc Andre Ter Stegen atezaina izan da jokalaririk onena, penalti bat gelditu eta merituzko beste hainbat geldiketa egin behar izan baititu.
Azkenik, jardunaldiko emaitzarik deigarriena (kopuru aldetik, bederen) Salzburgoren eta Genken arteko neurketan izan da. Austriako taldea 6 eta 2 nagusitu zaio Belgikakoari, eta lan horretan zerikusi handia izan du Erling Haland aurrelari norvegiarrak, berak sartu baititu bere taldearen golen erdiak (hiru).
1. jardunaldiko emaitzak E, F, G eta H multzoetan:
E multzoa:
Napoli 2–0 Liverpool [Mertens, penaltiz (82') eta Fernando Llorente (92')]
Salzburgo 6–2 Genk [Haland [Haland (2', 34' eta 45'), Hwang Hee-Cha (36'), Szoboszlai (47') eta Ulmer (66') | Lucumi (40') eta Samata (55')]
F multzoa:
Inter Milan 1–1 Slavia Praga [Barella (93') | Olayinka (63')]
Borussia Dortmund 0–0 Bartzelona
G multzoa:
Olympique Lyon 1–1 Zenit [Depay, penaltiz (50') | Azmoun (41')]
Benfica 1–2 Leipzig [Seferovic (84') | Werner (69' eta 79')]
H multzoa:
Chelsea 0–1 Valentzia [Rodrigo (74')]
Ajax 3–0 Lille [Promes (18'), Edson Álvarez (50') eta Tagliafico (62')]
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.