Errusiak eta Uruguaik garaipenekin hasi dute euren ibilbidea
Errusiako selekzioak 5-0 garaitu du ostegun honetan Saudi Arabia Moskuko Luzhniki futbol-zelaian, Munduko Txapelketa abian jarri duen norgehiagokan. Hartara, etxeko taldeak A Multzotik hurrengo fasera sailkatzeko aukerei bere horretan eusten die.
Smolov eta Dzagoevek (azken honek lesionatu den arte) aurkariek uzten zituzten espazio ugariak aprobetxatu dituzte arriskua sortzeko. Defentsako marketan ere kale egin dute hainbat alditan Saudi Arabiakoek, eta halako hutsegite bat baliatu du Gazinskyk 10. minutuan bere taldea aurretik jartzeko.
Jai-giroa apur bat zapuztu da Dzagoevek min hartu eta aldatu behar izan dutenean; izan ere, ezinbesteko jokalaria da Stanislav Cherchesov entrenatzailearentzat. Dena den, lehen partidan behintzat, ez du haren falta izan, Cheryshevek ezin hobeto ordezkatu baitu. Hala, atsedenaldira heldu aurretik, Vila-realeko jokalariak 2-0ekoa igoarazi du markagailura.
Aldageletatik bueltan, Errusiak ez du sufritu, eta Dzyubak buruz egin du hirugarrena zelaira sartu eta berehala. Gerora iritsi dira azken biak, luzapenean. Cheryshevek bere bigarrena lortu du areaz kanpotik egindako jaurtiketa polit baten bidez, eta Golovinek bosgarrena eta azkena erdietsi du faltaz.
Cheryshevek bere ehen gola sartu duen unea. Argazkia: EFE
Fitxa teknikoa:
Errusia 5: Akinfeev; Mario Fernandes, Ignashevich, Kutepov, Zhirkov; Zobnin, Gazinski, Golovin, Dzagoev (Cheryshev, 24. min), Samédov (Kuziaev, 64. min); eta Smolov (Dzyuba, 70. min).
Entrenatzailea: Stanislav Cherchesov
Saudi Arabia 0: Abdullah Al-Mamuaiouf; Mohammed Alburayk, Osama Hawsawi, Omar Othman, Yasir Al Sahrani, Taiseer Al Jassam, Abdullah Otayf (Fahad Al Mulawallad, 64. min), Salem Al Dawsari, Yahia Al Sehri (Hatan Bahbri, 73. min), Salman Al Faraj y Mohammed Al Sahlawi (Muhannad Asiri, 84. min).
Entrenatzailea: Juan Antonio Pizzi.
Golak: 1-0, 12, min: Yury Gazinsky. 2-0, 43. min: Denis Cheryshev. 3-0, 71. min: Artem Dzyuba. 4-0, 91. min: Denis Cheryshev. 5-0, 92. min: Aleksandr Golovin.
Uruguaik azken minutuetan lortu du Egiptori irabaztea
Jose Maria Gimenezek 89. minutuan egindako golak garaipena eman dio Uruguaiko selezioari Errusiako Munduko Txapelketako A Multzoko bigarren partidan.
Atletico Madrileko atzelariak sareetara bidali du baloia, buruarekin errematea eginda, norgehiagokako azken minutuetan. Uruguaik hainbat aukera izan ditu aurretik ere gola egiteko; argienak, Luis Suarezek eta Edinson Cavanik izan dituzte.
Gimenezek buruz sartu gola korner batean. Argazkia: EFE
Fitxa teknikoa:
Egipto 0: El Shenawy; Fathy, Gabr, Hegazy, Abdel Shafy; Elneny, Hamed (Morsy, 50. min); Said, Trezeguet, Warda (Sobhi, 82. min); eta Marwan Mohsen (Kahraba, 63. min).
Entrenatzailea: Héctor Cúper.
Uruguai 1: Muslera; Varela, Godín, Giménez, Cáceres; Nandez (Carlos Sánchez, 59. min), Vecino (Torreira, 88. min), Bentancur, De Arrascaeta ("Cebolla" Rodríguez, 59. min); Luis Suárez eta Cavani.
Entrenatzailea: Óscar Washington Tabárez
Golak: 0-1, 89. min: Gimenez.
Horrela dago A Multzoko sailkapena 1. jardunaldiaren ostean
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.