Amorebietak gutxi dirudien puntua lortu du Zaragozaren aurka (1-1)
Amorebietak eta Zaragozak berdinketa sinatu dute Lezaman (1-1), Felix Garretak etxekoentzat eta Maikel Mesak penaltiz sartutako golei esker.
Amorebietak hobeto ekin dio partidari, eta 75 segundora aldeko penaltia lortu du. Baina Jauregik ez du aprobetxatu eta baloia kanpora bidali du.
Urdinek berehala eman diete beste susto bat aurkariei, 10. minutuan Feliz Garretak 1-0ekoa lortu baitu bolea ikaragarri bat kontrolatu eta jaurti ondoren.
Atsedenaldira iritsi aurretik 1-1ekoa iritsi da, Sibok Mourinhori egindako penalti zorrotz batean. Maikel Mesak sartu du gola.
Bigarren zatia pausatuago hasi da, baina partidaren ordua hurbildu ahala bizkortu egin da eta bi areetan izan dira aukerak.
Azken txanpan, berdintasuna nagusi, baina jokaldi arriskutsuenak Avilesenak izan dira. Lehenengoan ez du errematatu, bakarrik zegoela eta bigarrenean kolpe franko zuzena zutoinetik zentimetrotara atera zaio.
Fitxa teknikoa:
1 - Amorebieta: Pablo Campos; Alvaro Nuñez, Manu Hernando, Felix Garreta, Lasure; Dorrio (Rayco, 91. min), Sibo, Carbonell, Morcillo (Luis Quintero, 81. min); Eraso (Edwards, 81. min); eta Jauregi (Aviles, 64. min).
1 - Zaragoza: Rebollo; Fran Gamez, Mouriño, Jair, Frances, German Valera (Manu Vallejo, 81. min); Francho, Marc Aguado (Jaume Grau, 77. min), Toni Moya (Bermejo, 77. min); Maikel Mesa (Sergi Enrich, 61. min) eta Mollejo.
Golak: 1-0, 10. min: Felix Garreta. 1-1, 43. min: Maikel Mesa, penaltiz.
Epailea: Jose Antonio Lopez Toca. Txartel horia atera die Alvaro Nuñez, Morcillo, Sibo, Manu Hernando, Carbonell eta Mollejo jokalariei.
Zure interesekoa izan daiteke
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Racing Lehen Mailara itzuliko da 14 urteren ondoren
Valladolid menderatu eta Almeriak bere partida galdu ostean, igoera matematikoki ziurtatu du Kantabriako taldeak.
Ukabilkada bat eta istilu itzela, Aragoiko derbian
Andrada, Zaragozako atezaina, kaleratu egin dute Pulido Huescako kapitainari bultza egiteagatik. Txartel gorria atera bezain laster, kontrola galdu du eta aurpegian ukabilkada eman dio Pulidori.
Imanol Idiakez, Cadizen entrenatzaile berria, denboraldiaren amaierara arte
Entrenatzaile gipuzkoarrak talde andaluziarrak Hypermotion Ligan jarrai dezan ailegatu da; Cadizek hiru puntura ditu jaitsiera postuak.
Eibarrek Sanse menderatu du Anoetan, Hypermotion Ligako derbian (0-1)
Anaitz Arbillak, laugarren minutuan, Beñat San Joseren taldeari garaipena eman dion gola sartu du. Bigarren zatian, Dani Diazek penalti bat kanpora jaurti du, eta Sansek ezin izan du berdinketa lortu.
Huescak kargutik kendu du Jon Perez ‘‘Bolo’’ bizkaitarra
Zuzendaritzak erabakia hartu du taldeak azkeneko hilabeteetan izandako bolada txarrari buelta emateko beharrezko pauso moduan, Huesca jaitsierako postuetan baita.
Hypermotion Ligako Sanse-Eibar derbia apirilaren 2an jokatuko dute, Anoetan
Astean zehar jokatuko da Hypermotion Ligako 33. jardunaldia. Derbia 20:00etan hasiko da.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
Igor Oca basauriarra Leganeseko entrenatzailea izango da denboraldia amaitu arte
Hasiera batean bitarteko gisa iritsi zen lehen taldeko aulkira, abenduaren hasieran kargutik kendu zuten Paco Lopezen ordez. 44 urteko entrenatzailea joan den udan heldu zen talde madrildarrera, Sestao River taldetik, bigarren taldea zuzentzeko.