Barçak Real Madril garaitu du Liga erabakitzeko klasiko eroan (4-3)
Bartzelonak ia erabakita utzi du Liga, Real Madril 4-3 mendean hartuta Lluis Companys Estadio Olinpikoan, Madrilgo taldea 0-2 aurretik jarri den arren partidaren lehen ordu laurdenean.
Barça erasoan hasi da, baina defentsan hutsuneak utzita. Madril, aldiz, bere momentuaren zain geratu da, Mbapperen abiadura baliatzeko asmoz.
Ancelottiren mutilek bi gol sartu dituzte lehen ordu laurdena jokatu baino lehen. Kylian Mbappek egin ditu biak. Lehenengoa hamaika metroko puntutik heldu da (0-1).
Bigarrena kontraeraso batean egin du. Viniciusek pase ona eman du, eta Mbappek baloia gurutzatu du (0-2).
Flicken taldeak gora egin du, eta 30 minutu bikain jokatu ditu. Eric Garciak 2-1ekoa sartu du korner batean.
13 minutu geroago, Lamine Yamal agertu da ezkerkada batekin berdinketa lortzeko (2-2).
Barçak gehiagoren bila jarraitu du, eta ia hurrengo jokaldian hirugarrena sartu du. Pedrik Mbapperen eta Ceballosen arteko akatsa aprobetxatu du Raphinhari baloia emateko, eta horrek Courtois gainditu du (3-2).
Madril galduta zebilen, Kataluniako taldearen erasoei aurre egin ezinik, eta Raphinhak laugarren gola sartu du (4-2) atsedenaldira iritsi aurretik.
Aurretik, VARak baliorik gabe utzi du De Jongek Mbapperi egindako penaltia. Atsedenaldiaren ostean, Lamine Yamalek bosgarrena sartu du, baina ez da markagailura igo, epaileak jokoz kanpokoa adierazi baitu.
Etxekoek partida kontrolpean zutela zirudienean, beste akats batek Mbapperen hat-tricka ekarri du (4-3).
Epaileak eta VARak ez dute penaltia adierazi Tchouamenik area barruan baloia eskuarekin jo badu ere, eta epaileak baliorik gabe utzi du Tchouamenik berak korner batean sartutako gola, Mbappe jokoz kanpo zegoelako. Ferminen gola ere ez da markagailura igo, baloia kontrolatzeko orduan besoan jo baitio, baina, hala ere, Bartzelonak ia erabakita utzi du Liga.
Fitxa teknikoa:
4 - Bartzelona: Szczesny; Eric Garcia (Hector Fort, 77. min), Cubarsi (Christensen, 57. min), Iñigo Martinez, Gerard Martin (Balde, 58. min); De Jong, Pedri; Lamine Yamal, Olmo (Fermin, 77. min), Raphinha; eta Ferran Torres (Gavi, 89. min).
3 - Real Madril: Courtois; Lucas Vazquez (Endrick, 84. min), Tchouameni, Asencio, Fran Garcia; Valverde, Ceballos (Modric, 46. min), Güler (Brahim, 46. min), Bellingham; Vinicius (Victor Muñoz, 88. min) eta Mbappe.
Golak: 0-1: Mbappe (p.), 5. min. 0-2: Mbappe. 1-2, 14. min: Eric Garcia, 19. min. 2-2: Lamine Yamal, 32. min. 3-2: Raphinha, 34. min. 4-2: Raphinha, 45. min. 4-3: Mbappe, 70. min.
Epailea: Hernandez Hernandez. Txartel horia atea die Valverde, Tchouameni, Araujo, Asencio, Iñigo Martinez, Fermin eta Pedri jokalariei.
Zure interesekoa izan daiteke
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.
Txapeldunen Ligarako bosgarren txartelak Athletic eta Osasuna Europara hurbildu ditu
Rayo Vallecanok Conference Leagueko finalerako sailkapena lortu ostean, Espainiak matematikoki bermatu du Txapeldunen Ligako plaza gehigarri bat, eta horrek Europan jokatzeko aukera gehiago emango dizkie Athletici eta Osasunari.
Nolako derbia espero dute Alaveseko eta Athleticeko zaleek?
Alavesek eta Athleticek denboraldiko azken euskal derbia jokatuko dute Mendizorrotzan. Alaves jaitsiera postuei begira dago, eta Athletic ez dago bere momenturik onenean. Zer gertatuko da?
Alaves-Athletic derbia maiatzaren 2an jokatuko da, 18:30ean
Alavesen eta Athleticen arteko euskal derbia maiatzaren 2an jokatuko da, larunbatean, Mendizorrotzan. Realak, bestalde, Sevillaren aurka jokatuko du maiatzaren 4an. Osasunari dagokionez, Bartzelonaren aurka jokatuko duen partida oraindik ez dute zehaztu noiz jokatuko den.