Messik ez du Barçan jarraituko
Lionel Messik ez du jarraituko Bartzelona taldeko jokalaria izaten. Hala jakinarazi du klubak ostegun honetan komunikatu ofizial baten bidez. "LaLigaren araudiaren oztopo ekonomiko eta estrukturalen ondorioz, ezin izan dugu Messiren kontratu berria sinatu", adierazi du Barçak.
Bartzelonak azaldu duenez, klubak akordioa lortu zuen Messirekin, baina LaLigaren araudiak eragin du argentinarrak Barça uztea. "Egoera honen ondorioz, Messik ez du Bartzelonan jarraituko. Bi aldeentzat albiste tamalgarria da, jokalariaren zein klubaren asmoa bat eginda jarraitzea baitzen", gaineratu du Bartzelonak komunikatu ofizialean.
Messik Bartzelonarekin zuen kontratua ekainaren 30ean bukatu zen, baina argentinarrak kontratu berria sinatuko zuela ematen zuen. Bi denboraldirako kontratua sinatuko zuela zirudien Joan Laporta klubeko presidente kargura iritsi ostean. Laportak berak, agerraldi guztietan argi uzten zuen Messirekin irekita zeuden negoziazioak "bide onetik" zihoazela, eta lasai zegoela gaineratzen zuen. Barçako presidenteak argi zuen Messi klubetik aldendu zezakeen gauza bakarra LaLigaren kontrol ekonomikoa zela.
Messi Bartzelonara iritsi zen kontratu berria sinatzeko
Leo Messi abuztuaren 4an iritsi zen Bartzelonara, oporrak amaitu ostean, kontratu berria sinatzeko asmoz. Aita eta ordezkari duen Jorge Messi egun bat beranduago, gaur (abuztuak 5), batzartu da Joan Laporta presidentearekin Messiren kontratu berria lotuta uzteko.
Barçak datorren igandeko Juventusen aurkako Joan Gamper Sariko partidaren aurretik iragarri nahi zuen Messik klubean jarraituko zuela. Neurketaren aurretik Leo Messi taldeko kapitainak bazkideei hitzaldia eskaintzea aurreikusita zegoen.
Hala ere, aurrelariaren kontratu berria lotzeko negoziazioak arratsalde honetan hautsi dira. Klubaren bertsio ofizialaren arabera, "LaLigaren araudiak jartzen dituen oztopo ekonomiko eta estrukturalek ezinezkoa egiten dute Barçak Messi inskribatu ahal izatea".
Bartzelonak publikatu duen ohar ofizialean, eskerrak eman dizkio jokalariari urte hauetan guztietan klubari eman dionagatik eta hazten lagundu izanagatik. Gainera, onena opatu dio etorkizunerako.
Laportak prentsaurrekoa eskainiko du ostiral honetan
Joan Laporta Bartzelona klubeko presidenteak prentsaurrekoa eskainiko du ostiral honetan, 11:00etan Camp Nouko 199 Auditorioan, Lionel Messik kontratu berria zergatik ez duen sinatu argitzeko.
Zure interesekoa izan daiteke
Alavesek Osasuna airean ibili du, Lucas Boyek partida ikusgarria eginda (5-2)
Alavesek ondo merezita irabazi du Osasunaren aurkako derbia Mendizorrotzan, eta bigarren kokatu da ligako sailkapenean. Lucas Boye izan da protagonista nagusia, hiru gol sartuta. Talde gorritxoaren bi golak, berriz, Ante Budimirrek egin ditu.
Ligan 26/27 denboraldian izango diren arau berriei buruz jakin beharreko guztiak
Epaileen Batzorde Teknikoak datorren denboraldirako arau berriak argitaratu ditu, eta, besteak beste, denbora-galerak saihesteko ekimenak eta VAR protokoloan egin beharreko aldaketak jaso ditu.
Unai Nuñezek Espanyolen jokatuko du utzita
Sestaoko atzelariak Celtak utzita jokatuko du 2026-2027 denboraldia talde kataluniarrean.
EA Sports Ligako 4. jardunaldiko Alaves-Osasuna derbia irailaren 6an jokatuko dute, igandez, 18:30ean
Denboraldiko aurreneko derbia izango da. Jardunaldi horretan bertan, Athletic Atletico Madrilen aurka arituko da, hilaren 5ean, larunbatez, 16:15etik aurrera, eta astelehenean, hilaren 7an, Elx-Reala partida izango da, 21:30ean hasita.
Rayok ezin izango du Vallecasen jokatu, Madrilgo Gobernuak kontzesioa bertan behera utzi baitu
"Segurtasun gabezia larriak" daudela argudiatu du Madrilgo Gobernuak. Rayo Vallecano "harrituta" azaldu da Kultura, Turismo eta Kirol sailaren erabakiarekin. Javier Tebas Ligaren presidenteak adierazi duenez, Rayok beste futbol-zelai bat du erabilgarri, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alaves-Getafe partida, abuztuaren 15ean, 19:30ean, 2026-2027ko EA Sports Ligako lehenengoa
Ligak txapelketako aurreneko hiru jardunaldietako ordutegien berri eman du; abuztuko bigarren hamabostaldian jokatuko dituzte hiru jardunaldi horiek. Osasuna Celtaren zelaian hasiko da, abuztuaren 16an, igandez, 21:30ean; Realak bigarren jardunaldian jokatuko du aurreneko partida, Betisen zelaian, abuztuaren 21ean, ostiralez, 21:00etan; eta Athleticek ere bigarren jardunaldian izango du lehen norgehiagoka, San Mamesen, Sevilla aurkari, abuztuaren 22an, larunbatez, 17:00etan.
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.