Alaves-Getafe partida, abuztuaren 15ean 19:30ean, 2026-2027ko EA Sports Ligako lehenengoa
Ligak txapelketako aurreneko hiru jardunaldietako ordutegien berri eman du; abuztuko bigarren hamabostaldian jokatuko dituzte hiru jardunaldi horiek. Osasuna Celtaren zelaian hasiko da, abuztuaren 16an, igandez, 21:30ean; Realak bigarren jardunaldian jokatuko du aurreneko partida, Betisen zelaian, abuztuaren 21ean, ostiralez, 21:00etan; eta Athleticek ere bigarren jardunaldian izango du lehen norgehiagoka, San Mamesen, Sevilla aurkari, abuztuaren 22an, larunbatez, 17:00etan.
Alavesek emango dio hasiera 2026-2027ko EA Sports Ligari, Getafe aurkari, Mendizorrotzan. Argazkia: Europa Press.
Alaves-Getafe partida abuztuaren 15ean jokatuko dute, larunbatez, 19:30ean, Mendizorrotzan, eta 2026-2027 denboraldiko EA Sports Ligako lehenengo neurketa izango da. Ligak, asteartean, txapelketako aurreneko hiru jardunaldietako ordutegien berri eman du; abuztuko bigarren hamabostaldian jokatuko dituzte hiru jardunaldi horiek, eta Munduko Txapelketak lehenengoa baldintzatuko du. Hala, Osasuna Celtaren zelaian hasiko da, abuztuaren 16an, igandez, 21:30ean; Realak bigarren jardunaldian jokatuko du aurreneko partida, Betisen zelaian, abuztuaren 21ean, ostiralez, 21:00etan; eta Athleticek ere bigarren jardunaldian izango du lehen norgehiagoka, San Mamesen, Sevilla aurkari, abuztuaren 22an, larunbatez, 17:00etan.
Ligako lehenengo jardunaldiko Real Madril-Reala eta Bartzelona-Athletic partidak atzeratu egin dituzte, eta, hurrenez hurren, abuztuaren 26an eta 27an izango dira.
Lau euskal taldeen ordutegiak
Alaves
1. jardunaldia: Alaves vs Getafe, abuztuaren 15ean, larunbatez, 19:30ean.
2. jardunaldia: Rayo Vallecano vs Alaves, abuztuaren 20an, ostegunez, 21:00etan.
3. jardunaldia: Alaves vs Vila-real, abuztuaren 28an, ostiralez, 19:00etan.
Athletic
1. jardunaldia: Bartzelona vs Athletic, abuztuaren 27an, ostegunez, 21:00etan.
2. jardunaldia: Athletic vs Sevilla, abuztuaren 22an, larunbatez, 17:00etan.
3. jardunaldia: Celta vs Athletic, abuztuaren 30ean, igandez, 21:30ean.
Osasuna
1. jardunaldia: Celta vs Osasuna, abuztuaren 16an, igandez, 21:30ean.
2. jardunaldia: Osasuna vs Levante, abuztuaren 24an, astelehenez, 19:30ean.
3. jardunaldia: Osasuna vs Getafe, abuztuaren 31n, astelehenez, 19:30ean.
Reala
1. jardunaldia: Real Madril vs Reala, abuztuaren 26an, asteazkenez, 21:00etan.
2. jardunaldia: Betis vs Reala, abuztuaren 21ean, ostiralez, 21:00etan.
3. jardunaldia: Reala vs Espanyol, abuztuaren 29an, larunbatez, 19:00etan.
Zure interesekoa izan daiteke
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.
Txapeldunen Ligarako bosgarren txartelak Athletic eta Osasuna Europara hurbildu ditu
Rayo Vallecanok Conference Leagueko finalerako sailkapena lortu ostean, Espainiak matematikoki bermatu du Txapeldunen Ligako plaza gehigarri bat, eta horrek Europan jokatzeko aukera gehiago emango dizkie Athletici eta Osasunari.