Lavogezen golak eta Oguizaren kanporaketak bideratu dute Realaren garaipena Athleticen aurkako derbian (1-0)
Realak bereganatu du Reale Arenan jokatuta den Athleticen aurkako euskal derbia igande honetan, Claire Lavogezek bost minutura sartutako golari esker, F Ligako 10. jardunaldiko partidan. 29. minutuan, Oguizak txartel gorria ikusi du, zuri-gorriak ordubetez jokalari bat gutxiagorekin utzita.
Lehoiak izan dira arriskua sortzen lehenak partida hasi eta berehala, baina Gipuzkoako taldea izan da markagailuan aurrea hartu duena. Jokaldi azkar batean, Claire Lavogezek baloia jaso du eta, urrutitik joz, sarera bidali du eskuadratik (1-0).
Sarriegi aldea handitzeko zorian izan da buruz egindako erdiraketa errematatuta, baina kanpora joan zaio. Athleticek, bere aldetik, berdintzeko aukera izan du etxekoen baloi-irteera txar batean, baina Azkonak ez du asmatu jaurtiketan eta baloia gora bidali du.
Partida hasi eta ordu erdira, Oguizak txartel gorria ikusi du Jacintori iletik tira egiteagatik, eta jokalari bat gutxiagorekin utzi du talde bizkaitarra.
Hala ere, ez dute jokoaren ideia aldatu, eta laster izan du Azkonak aukera ona Elexpururen pasean, baina atezain txuri-urdinak aurrea hartu du eta baloia lapurtu.
Lagovezek izan du lehen zatiko azken aukera, gora joan zaion jaurtiketa batekin.
Bigarren zatia Lavogezen abagune berri batekin hasi da, baina ez du Nanclaresen aurkako buruz burukoa aprobetxatzen jakin, atezaina sendo ibili baita atepean.
Hurrengo minutuak oso parekatuak izan dira, bi taldeen hurbilketekin, baina inork ez ditu atezainak estu hartu. Denborak aurrera egin ahala, Athletic gorago joan da berdinketaren bila, baina Realak ondo defendatu du bere burua eta aurkariek atera botatzea saihestu du.
Fitxa teknikoa:
1 - Reala: Lete; Ramirez, Aparicio (Quiles, 67. min), Vanegas, Rodriguez; Cahynova, Jacinto, Eizagirre; Fransi (Mirari, 85. min), Lavogez (Guridi, 85. min), Sarriegi (Pardo, 60. min).
0 - Athletic: Nanclares; Maddi Torre, Baños, Zubieta; Ortega, Oguiza, Pinedo (Agote, 67. min), Elexpuru; Amezaga (Nevado, 67. min), Nahikari Garcia (Sanadri, 83. min), Azkona (Valero, 46. min).
Gol: 1-0, 4. min: Lavogez.
Epailea: Ylenia Sanchez Miguel. Txartel gorria atera dio Oguizari eta horia Ramirezi.
Zure interesekoa izan daiteke
Nerea Eizagirre: "Beti esan dugun bezala, eguneroko lan horretan dago gakoa"
Realak 3-0 irabazi du Zubietan jokatutako euskal derbian. Partidaren ostean, Eizagirre pozarren agertu da, eta orain arte egindako lan ona azpimarratu du.
Arene Altonaga: "Gure aukerak eduki ditugu, ez ditugu sartu, eta horrek partida baldintzatu du"
Eibarrek 3-0 galdu du Zubietan jokatutako euskal derbian. Partidaren ostean, Altonagak burumakur esan du aukerak izan dituztela baina golak sartu ez izanak partida baldintzatu duela.
Realak 3-0 irabazi dio Eibarri Zubietan jokatutako euskal derbia
Txuri-urdinak nagusitu dira armaginen aurkako F Ligako 17. jardunaldiko partidan. Intza Egigurenek lehena egin eta gero, bigarren zatian Eibarrek bere atean sartu ditu hurrengo bi golak.
Bartzelonak seigarren Superkopa irabazi du klasiko parekatu batean (2-0)
Brugts eta Putellas protagonistak izan dira Bartzelonak Superkopan duen nagusitasuna berretsi duen partida zirraragarrian.
Urko Izeta: "Taldea desanimatuta dago"
Athleticek 2-1 galdu du Sevillaren aurka jokatutako partidan, eta 5 puntura ditu jaitsiera postuak.
Iparra galduta jarraitzen du Athleticek Ligan (2-1)
Navarrok aurretik jarri ditu zuri-gorriak, baina Pequek eta Akorrek buelta eman diote markagailuari, eta Sevilla nagusitu da azkenean.
Osasunak 9 hilabeteko lehortea hautsi du etxetik kanpo Rayo garaituta (1-3)
Ligan 10 jardunaldi jarraian irabazi gabe egon ondoren, talde gorritxoa Iñigo Perezen taldeari gailendu zaio Budimir, Jozhua (bere atean) eta Asier Osambelaren golei esker.
Unai Nuñezek utzita jokatuko du Valentzian
Erdiko atzelariak eskuinean zein ezkerrean joka dezake, eta Mouctar Diakhaby lesionatuaren baja betetzeko fitxatu dute.
Valverde: "Athletic denboraldiko une erabakigarrian dago"
Athleticeko entrenatzaileak aitortu duenez, LaLigako sailkapenean duten egoera kontuan izanda (erdialdean, hamar taldeko multzoan ), eta bizirik Txapeldunen Ligan eta Errege Kopan, "denboraldiko une erabakigarrian" daude.
Matarazzo: "Partidu hauetan egin duguna errendimendua da, ez zortea"
Realeko entrenatzaileak Celtaren aurka jokatuko duten partidaz hitz egin du, EA Sports Ligako 21. jardunaldian. Bestalde, Gotiren irteeraz ere mintzatu da.