Athleticek galdu gabe jarraitu nahi du Europa Ligan eta Reala bigarren garaipenaren bila doa
Athleticek eta Realak 2024-2025 Europa Ligako laugarren jardunaldiko partidak jokatuko dituzte ostegun honetan, azaroaren 7an, Bulgarian eta Txekiako Errepublikan, hurrenez hurren.
Zuri-gorriek Ludogoretsi egingo diote bisita, eta norgehiagoka 18:45ean hasiko da. Bilboko taldeak porrot egin gabe jarraitu nahi du Europa Ligan, orain arte neurketa bat berdindu eta bi irabazita. Jauregizar eta Guruzeta, min hartuta, ez dira jokatzeko prest egongo. Unai Simonek ere sendatze prozesuan jarraitzen du oraindik. Hala ere, Betisen aurkako partidan min hartu zuen Oihan Sancet deialdian sartu da. Klubak azaroaren 4an jakinarazi zuen Sancetek bihurritua zuela ezker orkatilako barrualdeko alboko lotailuan; dena den, taldeko espedizioarekin batera joan da Bulgariara. Athleticek zazpi puntu ditu, eta sailkapeneko zortzigarren postuan da, hirutik hiru norgehiagoka irabazi dituzten Lazio, Tottenham eta Anderlecht taldeekiko bi puntuko aldearekin.
Orain arte, Ludogoretsek puntu bakarra poltsikoratu du Europa Ligan, bigarren jardunaldian Viktoria Plzenekin berdintzea lortu baitzuen; beste bi partidak, ordea, galdu egin zituen Slavia Pragaren eta Anderlechten aurka. Bulgariako ligan, aldiz, Razgradeko taldea liderra da 13tik 12 neurketa irabazita eta partida bat berdinduta.
Bestalde, Realak hitzordua du Txekiako Errepublikan. Txuri-urdinek Viktoria Plzen izango dute aurkari, eta neurketa 21:00etan hasiko da. Donostiako taldeak bigarren garaipena jarraian erdietsi nahi du txapelketa horretan. Hiru jardunalditan lau puntu bildu ditu Realak, Nizarekin berdindu, Anderlechten aurka galdu eta Maccabi Tel Aviv menderatuta. Europa Ligako laugarren jardunaldiko partidarako Zakharyan ez da jokatzeko prest egongo, min hartuta jarraitzen baitu. Horrez gain, Turrientes eta Barrenetxea ere deialditik at geratu dira, arazo fisikoengatik.
Oraingoz, Viktoria Plzenek ez du garaipenik bereganatu Europa Ligan, ezta porrotik ere; jokatutako hiru neurketak berdindu egin ditu, Eintracht Frankfurten (3-3), Ludogoretsen (0-0) eta PAOKen aurka (2-2). Txekiako ligako sailkapeneko bigarren postuan da Viktoria Plzen, Slavia Praga liderrarekiko sei puntura.
Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.