Reala, 2024ko Euskal Herria Kopako txapeldun
Realak 2024ko Euskal Herria Kopa irabazi du, igandean, Berazubi futbol zelaian, Tolosan, eta, horrenbestez, bosgarren aldiz eskuratu du titulu hori. Jose Luis Sanchez Veraren taldeak, finalean, Athletic hartu du mendean, penalti jaurtiketetan, 3-2; partida 0-0 amaitu da. Penaltietan, Elene Lete bikain aritu da, eta bi jaurtiketa gelditu ditu; Realeko atezaina, hala, giltzarria izan da txuri-urdinek Euskal Herria Kopa irabazteko.
Lehenengo zatian, Reala eta Athletic parean aritu dira. Berazubiko berdegunean, jokoa, bereziki, zelai erdian gauzatu da; hori bai, azken minutuetan, Athleticek arrisku handiagoa sortu du, Realaren areatik gertu. Gol aukerarik onena, nolanahi ere, Realak izan du, Nerea Eizagirrek area ertzetik egindako jaurtiketa polit batean; Adriana Nanclares ondo ibili da, eta kornerrera aldendu du tolosarraren ezkerkada.
Bigarren zatian ere izan da parekotasun handia, eta ez da golik izan. Violeta Quilesek oso gertu izan du 1-0ekoa, luzapenean dagoeneko, baina bere errematea, Athleticen area barruan, goitik irten da, desbideratuta. Lehia bizi-bizia izan da derbian, bai eta erritmo handia ere; biak ala biak maila oso berdintsuan aritu dira, eta finala penaltietan erabaki da, azkenean.
Penalti horietan, Realak Athleticek baino gehiago asmatu du, nabarmen. Gipuzkoako taldeak lau jaurti ditu, eta hiru sartu, Nerea Eizagirreren, Lucia Rodriguezen eta Cecilia Marcosen bidez; Athleticen, aldiz, Nerea Nevadok eta Marta Sanadrik sartu egin dute, baina Clara Pinedok, Leire Bañosek eta Mariana Cerrok ezin izan dute baloia sareetara bidali, eta, hortaz, Realak ez du izan zertan egin bosgarren eta azken penaltia. Elene Letek bi geldiketa bikain egin ditu, Pinedoren eta Bañosen jaurtiketetan; atezain zumarragarrak eragin zuzena izan du Gipuzkoako taldearen garaipenean.
Zure interesekoa izan daiteke
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.