Erregina Kopako finalerdietako kanporaketetako joaneko eta itzuliko partiden datak eta ordutegiak

Athletic-Bartzelona kanporaketako joaneko neurketa Bilbon jokatuko da, martxoaren 7an; itzulikoa, aldiz, hilaren 14an, Bartzelonan. Biak ala biak 21:00etan hasiko dira. Atletico-Reala kanporaketako joanekoa martxoaren 6an izango da, 19:00etan, Madrilen; itzulikoa, ostera, hilaren 13an, 18:30ean.

EITB

2024/02/09 - 15:47

Azken eguneratzea

2024/02/09 - 16:46

Espainiako Futbol Federazioak jakinarazi ditu jada Erregina Kopako finalerdietako kanporaketetako joaneko zein itzuliko partiden datak eta ordutegiak. Finalerdietako joanekoak martxoaren 6an eta 7an jokatuko dira; itzulikoak, aldiz, hilaren 13an eta 14an.

Atletico Madrilen eta Realaren arteko kanporaketako joaneko neurketa martxoaren 6an jokatuko da, 19:00etan, Madrilen; itzulikoa, aldiz, hilaren 12an, 18:30ean, Donostian.

Beste kanporaketan, Athleticek Bartzelona hartuko du etxean, martxoaren 7an. Zuri-gorrien eta blaugranen arteko itzuliko lehia hilaren 14an jokatuko da, Bartzelonan. Joanekoa zein itzulikoa 21:00etan izango dira.

Finalerdietako kanporaketetako partiden datak eta ordutegiak:

Joaneko partidak:

Martxoak 6, asteazkena: Atletico Madril - Reala (19:00)

Martxoak 7, osteguna: Athletic Club - Bartzelona (19:00)

Itzuliko partidak:

Martxoak 13, asteazkena: Reala - Atletico Madril (18:30)

Martxoak 14, osteguna: Bartzelona - Athletic Club (21:00)