Realak Levante kanporatu du (1-2), bigarren zatian bikain jokatuz, eta Erregina Kopako finalerdietan da
Realak 2023-24 denboraldiko Erregina Kopako finalerdietarako sailkatzea lortu du, ostegunean, final laurdenetako kanporaketan Levante Buñolen 1-2 mendean hartuta. Sanni Franssik, 57. minutuan, eta Manuela Vanegasek, 70.ean, Realari garaipena eman dioten golak sartu dituzte. Txuri-urdinek ezin hobeto jokatu dute bigarren zatian, eta merezi izan dute azkenean eskuratu duten sailkatzea.
Realak erronka zaila zuen Buñolen, kontuan izanik Levante aurkari biziki gogorra zela. Valentziako taldea hirugarren postuan dabil F Ligan, 34 puntu dituela, hau da, Realak baino bederatzi puntu gehiago; Donostiako taldea zazpigarren tokian da. Jose Luis Sanchez Verak entrenatzen dituen jokalariek, etxean jokatzen ari zirela baliatuta, erritmo bizia eman diote partidari hasieratik, baina txuri-urdinek erantzun ona eman dute aurreneko minutu horietan. Andrea Tarazona Levanteko atezainak laugarren minutuan izan du zeregina aurreneko aldiz, neurketako lehenengo erasoa Realak egin baitu.
Etxekoek, baina, kolpe latza eman diote Realari ia segituan. Zazpigarren minutuan, Alba Redondo ondo sartu da ezkerretik, eta area txikira erdiratu du; bertan, Natasa Andonovak, hasiera batean Elene Letek baloia aldenduta, jaurti eta gola sartu du. Etxeko taldeak alde jarri du markagailua, eta Realak emaitza irauli behar zuen.
1-0ekoak sendotu egin du Levante; Valentziako taldeak ondo kontrolatu du Reala atsedenaldira arte. Indartsu ibili da zelai erdian, eta azkar hegaletan, eta, hala, ez da estuegi ibili aldeari eusteko. Realak, baina, ez du amore eman; 40. minutuan, Amaiurrek sareetara bidali du, baina jokoz kanpo zegoen, eta golak ez du balio izan. Horrenbestez iritsi da atsedenaldia, etxeko taldea gailentzen ari zela.
Bigarren zatian, Realak aurrera egin du
Bigarren zatian, Reala hobeto sartu da partidara, berdinketaren bila. Oso gutxigatik ez du lortu 52. minutuan; orduan, Levanteko atzelariek eta atezainak ez dute elkar ondo ulertu, eta Mendezek saihestu du banakoa, atepean, baloia barrura zihoala. Franssik, jarraian, ondo jaurti du, eta errematea gutxigatik joan da kanpora.
Amaiurrek eta Franssik abagune on bana izan dute berdinketa lortzeko. Argi zegoen bigarren zatiko hasiera itxaropentsu egoteko moduko argudioak ekartzen ari zela. Eta, hala, hamabigarren minutuan, 57.ean, Sanni Franssik, Jensenek egindako jokaldi on baten ostean, area ertzean jaso eta jaurtiketa egin du; aurrelariak gola sartu du.
60. minutuan, Nerea Eizagirrek jokaldi ikusgarria egin du. Realeko kapitainak area ertzean jaso du baloia, zuloa bilatu, eskuinez jo, eta baloia langara joan da, zuzen-zuzenean. Eta bost minuturen buruan, 65.ean, zutoinak eragotzi du Realak markagailuan aurrea hartzea, Andreia Jacintok egindako jaurtiketaren ostean.
Reala bigarren zatian erakusten ari zen joko bikainak 25. minutuan jaso du saria, beste behin. Manuela Vanegasek, falta batean, ezker hankan dituen trebetasuna eta indarra baliatu du, eta gol ederra sartu. Merezi zuten Natalia Arroyoren jokalariek gol hori, argi, eta amaierarako hogei bat minutu gelditzen zirela gauzatu dute.
Sendo aritu da Reala, emaitza alde zuela. Levantek luzapenean sortu du arriskua, Alba Redondok area barruan egindako erremate baten bidez, baina Ana Tejada aurrean jarri da eta baloia urruntzea lortu du, maisuki. Pozarren hartu dute jokalari txuri-urdinek partidako amaiera; izan ere, finalaurrekoetan dira jada, beste aurkari baten zain.
Fitxa teknikoa
1 – Levante: Tarazona; Lloris, Mendez, Mendoza, Paula Tomas (Antonia, 76. min); Paula Fernandez, Leire Baños (Estela, 76. min), Angela Sosa (Daniela, 57. min); Erika (Gabi Nunes, 62. min), Andonova eta Alba Redondo.
2 – Reala: Lete; Cecilia (Emma, 53. min), Tejada, Vanegas, Bernabe; Andreia Jacinto, Apari, Eizagirre; Jensen, Franssi eta Amaiur (Mirari, 84. min)
Golak: 1-0, 7. min: Andonova. 1-1, 57. min: Franssi. 1-2, 70. min: Vanegas.
Epailea: Andrea Firvida (Aragoiko Batzordea). Levanteko Lloris eta Tomas, eta Realeko Vanegas, Tejada, Jensen eta Andreia zigortu ditu, txartel horia ateraz.
Gertakizunak: Erreginaren Kopako final laurdenetako partida, Buñolen. 250 zale izan dira.
Zure interesekoa izan daiteke
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.