Realak irabazi du Alavesen aurkako derbia (1-5)
Realak 1 eta 5 irabazi dio Alavesi Ibaian jokatu den derbian. Talde txuri-urdinak hasieratik agindu du eta 0-3ko emaitzarekin joan dira atsedenaldira. Bigarren zatian partidaren dinamika ez da aldatu eta 0-5 jarri dira aurretik. Mikel Crespok zuzendutako jokalariek 90. minutuan egin dute partidako gol bakarra.
Partidan hobeto sartu da kanpoko taldea. 25. minutuan egin du lehenengo gola Gaby Garciak: Alaveseko defentsaren aldaratze bat jaso eta baloia sareratu du.
Bigarren gola 41. minutuan sartu du Amaiurrek; neurketako jokalari onena izan den Gabyk erdiraketa egin eta Amaiurrek bigarren zutoinean ate barrura bidali du. Hirugarrena 45. minutuan sartu du Realak: Bernaberen erdiraketa bat buruz errematatu du Gaby Garciak eta arratsaldeko bere bigarren gola egin du.
Hala heldu dira atsedenaldira eta bigarren zatian ez da gidoia aldatu. 52. minuturako egin du laugarrena Amaiur Sarriegik, Jensenen erdiraketaren ostean. Sei minutu beranduago (58. minutuan), norvegiarrak berak egin du txuri-urdinen bosgarrena.
Amaieran, 90. minutuan Sara Carrillok sartu du etxekoen gol bakarra, bikain gauzatutako kontraeraso batean.
Gauzak horrela, Alavesek azken postuan jarraitzen du puntu bakarrarekin eta Reala 4. jarri da sailkapenean, 12 puntu lortuta.
Zure interesekoa izan daiteke
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek penaltietan irabazi du denboraldiaurreko azken partida
Alavesek amaitu du denboraldiaurrea. Quique Sanchez Floresen taldeak Racingen aurka jokatu du Sardineron, Nando Yosu saria jokoan zuela, eta penaltietan lortu du garaipena (7-8), bana berdinduta amaitu ostean. Mantilla (bere atean sartu du gola Youssefen jaurtiketa bat desbideratuta) eta Villalibre izan dira partidako golegileak.
Ligan 26/27 denboraldian izango diren arau berriei buruz jakin beharreko guztiak
Epaileen Batzorde Teknikoak datorren denboraldirako arau berriak argitaratu ditu, eta, besteak beste, denbora-galerak saihesteko ekimenak eta VAR protokoloan egin beharreko aldaketak jaso ditu.
Unai Nuñezek Espanyolen jokatuko du utzita
Sestaoko atzelariak Celtak utzita jokatuko du 2026-2027 denboraldia talde kataluniarrean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Zaleak, hunkituta, azken agurra eman diote Franco Baresi kapitainari, Milanen
Futbol munduko hainbat aurpegi ezagun eta milaka zale bildu dira San Anbrosioko basilikan, Milanen kapitain ohi ospetsuari azken agurra emateko. 66 urte zituela hil zen, uztailaren 31n, gaixotasun baten ondorioz.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.