Elustondoren gol batek garaipena eman dio Realari Osasunaren aurkako derbian (1-0)

Realak atzean utzi ditu azken egunetako emaitza txarrak eta argi utzi du Laligan oso bizirik dagoela, Osasunaren aurka etxean jokatutako derbian garaipena lortuta. Nafarrak ez dira erasoan fin ibili eta aukerarik onenak partida galtzen izan direnean izan dituzte.

Imanolek ezustea eman du hasierako hamaikakoan aldaketa ugari eginda. Lehen zatian aukera gutxi izan dira, eta hutseko emaitzarekin iritsi dira atsedenaldira. Bigarren zatia hasi eta minutu gutxira, Aritz Elustondok neurketako gol bakarra egin du, korner batean hasitako jokaldian.

Osasuna banakoa lortzen saiatu da eta bi aukera oso argi izan ditu; bata, Riben Garciak egindako jaurtiketa batean (Remirok erantzun bikaina eman dio), eta bestea Nacho Vidalen aldetik, baina bere jaurtiketa kanpora joan da langa laztandu ostean.

Imanolek Mikel Oyarzabal zelairatu du eta txuri-urdinak erasokorrago aritu dira. Aurrelariak berak eta Elustondok aukera argiak izan dituzte markagailuko aldea handitzeko.

Azken minutuetan, Osasunak Reala estutu du, baina gola ez da iritsi. Azkenean, puntu bana, Reale Arenan gipuzkoarrek eta nafarrek jokatutako derbian.

Fitxa teknikoa

1 - Reala: Remiro; Gorosabel (Portu, 81. min), Elustondo Le Normand, Muñoz; Illarramendi (Zubimendi, 70. min) Merino, Silva; Djouahra (Sola, 70. min) Martín (Oyarzabal, 58. min) eta Isak (Sorloth, 70. min).

0 - Osasuna: Herrera; Nacho Vidal, David García, Cruz, Manu Sánchez (Cote, 81. min); Torró (Kike García, 63. min), Darko (Kike Barja, 72. min), Moncayola, Rubén García (Javi Martínez, 72. min), Chimy Ávila (Torres, 81. min) eta Budimir.

Golak: 1-0, 52. min: Elustondo.