Osasunak garaipen argia lortu du Vallecasen (0-3)
Osasunak, Jon Moncayola, Ruben Garcia eta Kike Garciaren golekin, garaipen handia erdietsi du Vallecasen, Rayori 0-3 irabazita.
Nafarroako taldea bikain aritu da hasieratik Rayori presioa egiten, lerroak oso aurreratuta, eta neurketari ekin eta zortzi minutura markagailuan aurrea hartzea lortu du Moncayolak egindako golari esker. Erdilariak primeran errematatu du 'Chimy' Avilak eskuinaldetik area barrura erdiratutako baloia.
Markagailuan abantaila izan arren, Osasunak berdin jarraitu du, eta aldiro-aldiro arriskua sortzen zuen madrildarren atearen inguruan. Lehendabizi, Ante Budimir aurrelari kroaziarrak buruz egindako erremate batekin abisatu du (langa gainetik joan da). Gerora, 39 minutuan, Ruben Garciak asmatu du, area kanpotik egindako ezkerkada batekin, Dimitrievskiren ezkerreko eskuadran amaitu duena.
Andoni Iraola Rayoko entrenatzaileak aulkia mugitu du atsedenaldian, eta Trejo eta Mamadou Sylla aurrelari senegaldarra zelairatu ditu erasoko baliabide berrien bila. Beraiekin madrildarren jokoak hobera egin du, eta Sergio Herreraren ate ingurura maizago hurbildu dira.
Falcaok aukera bikoitza izan du bigarren zatian gola sartzeko. Lehenengoa, area barrutik egindako jaurtiketa batekin, Sergio Herrerak urrundu duena; bigarrena, zutoin ondotik alde egin duen burukadarekin.
Osasunak geldikako jokaldi batekin erantzun dio: 'Chimy' Avilak falta jaurti eta Dimitrievskik gelditu handia egin behar izan du baloia aldentzeko.
Azken minutuetan Rayok ez du amore eman, eta Sergi Guardiola sartu denean, hiru aurrelarirekin jokatu du, baina hala ere ez da gai izan Sergio Herrera gainditzeko, partida osoan bikain aritu baita.
Luzapenean, Osasunak Kike Garciaren gol batekin borobildu du bere neurketa ederra. Horrenbestez, gaur lortutako garaipenarekin gorritxoek jauzia eman dute sailkapenean 32 punturekin, Rayok baino bat gehiago.
Fitxa teknikoa:
0 - Rayo Vallecano: Dimitrievski; Balliú, Saveljich (Trejo, 46. min), Catena, Kevin Rodrigues (Guardiola, 74. min); Valentín, Comesaña (Pathé Ciss, 81. min); Isi Palazón (Sylla, 46. min), Nteka (Bebé, 74. min)), Álvaro; eta Falcao.
3 - Osasuna: Sergio Herrera; Nacho Vidal, David García, Juan Cruz, Manu Sánchez; Moncayola (Oier, 86. min), Torró, Darko; 'Chimy' Ávila (Javi Martínez, 81. min), Rubén García (Torres, 86. min) eta Budimir (Kike García, 68. min).
Golak: 0-1, Moncayola (8. min). 0-2, Rubén García (39. min); 0-3, Kike García (93. min).
Epailea: Figueroa Vázquez. Txartel horiak: Osasunako Alvaro (23. min), Saveljich (34. min) eta Nacho Vidal (70. min) jokalariei.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.