Ofizialtasunari buruzko erabakia UEFAko eta FIFAko biltzarrek har dezatela eskatu du Euskadiko Federakundeak
Euskadiko Futbol Federakundearen aburuz (EFF), UEFAko eta FIFAko kongresuak izan beharko lirateke ofizialtasuna eskatzen duten selekzioei buruzko erabakia hartzeko organo eskudunak, ez horien batzorde exekutiboak, eta horiek izan ziren euskal erakundeak abenduan egindako eskaerari uko egin ziotenak uztailaren 11n eta 31n.
Ohar bidez, Euskadiko Federakundeak azaldu du UEFAri eta FIFAri idazki bat aurkeztea erabaki duela, erakunde horietako biltzarrek formalki jakinaraz diezaioten bere garaian bi erakundeetako "eskubide osoko kide izateko" egin zuen eskaerari buruzko ebazpena. Hala, Euskadiko Federakundearen esanetan, bere "alegazioak onartuz gero", bi erakundeen biltzarren aurrean "bere hautagaitza defendatzeko aukera" izango du.
EFFk gogorarazi du "2020ko abenduan" UEFAri eta FIFAri formalki eskatu ziela erakunde horietako kide izatea, eta eskaera hori "ukatu" egin zutela aipatu bi erakundeetako batzorde exekutiboek 2021eko uztailaren 11n eta 31n, hurrenez hurren, emandako ebazpenen bidez. Hala ere, EFFren iritziz, "nazioarteko erakunde bien estatutuen arabera, eskumenik ez zuten organoek eman zituzten ukatzeko ebazpenak", uste baitu gai horiek ezagutzeko benetako eskumena dutenak erakunde horien kongresuei dagokiela.
"Iritzi bera eman du TASek bere CAS 2016/A/4787 eta CAS 2014/A/3776 ebazpenetan, hurrenez hurren, Jerseyko Futbol Federazioak eta Gibraltargo Futbol Federazioak egindako afiliazio-eskaerei dagokienez", Euskadiko Federakundeak adierazi duenez.
"Ebazpen horietan, TASek ebatzi zuen UEFAko zein FIFAko Batzorde Betearazleak ez duela eskumenik bere organismoetan afiliatzeko eskaera ukatzeko, eta eskaera UEFAren eta FIFAren kongresuetara bidali behar dela, gaiari buruz erabaki dezaten", azaldu du EFFk.
Euskal Selekzioaren ofizialtasuna lortzeko bidean, eragile politiko eta sozialekin "elkarlanean" jarraituko duela esanez bukatu du bere oharra Euskadiko Federakundeak.
Zure interesekoa izan daiteke
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.