Euskadiko Futbol Federakundeak FIFAko eta UEFAko kide izateko eskaria aurkeztu du
Euskadiko Futbol Federakundeko (EFF) eta Eusko Jaurlaritzako ordezkaritza bat FIFAk Zürichen (Suitza) duen egoitzara joan da astearte goizean, eta bertan idatzi bat aurkeztu du euskal federazioa erakunde horretako "eskubide osoko kide gisa" onar dezan.
Federazioaren izenean Luis Mari Elustondo presidentea eta Nerea Zalabarria presidenteordea izan dira eskaria aurkezten, eta Jaurlaritzaren aldetik, berriz, Jon Redondo Jarduera Fisikoaren eta Kirolaren zuzendaria eta David Salinas-Armendariz Eusko Jaurlaritzako letratua.
Ondoren, eskaera bera eraman dute UEFAren aurrera, erakunde horrek Nyonen (Suitza) duen egoitzara, hain zuzen ere, eta ETB horren lekuko izan da.
Horrenbestez, Euskadiko federazioko arduradunek bete egin dute duela bi urte, 2018 abenduaren 12an, Durangon egin zen Batzar Nagusian aldeko 43 botorekin eta abstentzio batekin onartu zena, hau da, "nazioarteko ofizialtasuna lortzeko FIFA eta UEFAn EFFren integrazio zuzenaren eskaera formala gauzatzea".
Horrekin batera, FIFAn eta UEFAn aldi berean onartzeko "espediente komun eta bateratu bat" izapidetu dadila eskatu du federazioak, eta "urtebeteko epea" ireki dadila proposatu du, integraziorako eskakizun formal guztiak bete ahal izateko zein Euskadiko eta Espainiako federazioen eta nazioarteko erakundeen arteko akordio bat adosteko.
Halaber, FIFAko eta UEFAko organo eskudunek "irizpen arrazoitu bat" eman dezatela eskatu du. Irizpen horretan, Euskadiko federazioaren kasu zehatzean bete beharreko "baldintzak eta betekizunak" zehaztu beharko lirateke, "gaur egun ez dituela betetzen ulertzen baita".
Azkenik, Euskadiko federazioak "konpromiso irmoa, gogo osoa eta fede ona" adierazi ditu "alderdi guztien artean adostutako integraziorako" dauden oztopoak kentzeko eta honela euskal futbolaren "desira historikoa" gauzatzeko.
Hona hemen aurkeztutako agiriko punturik garrantzitsuenak:
1- Euskadiko Futbol Federakundeak (EFF), Euskal Futbolaren legezko ordezkaria den aldetik, formalki eskatzen dio FIFAri/UEFAri zuzenean bertako eskubide osoko kide gisa sartzea.
Horretarako, FIFAn eta UEFAn aldi berean onartzeko espediente komun eta bateratu bat izapidetu dadila eskatzen dugu, eta berariaz urtebeteko epea ireki dadila, integraziorako ezarritako estatutu-eskakizun formal guztiak bete ahal izateko eta Euskadiko Futbol Federakundearen, Espainiako Futbol Federazioaren eta bi erakundeen artean akordio bat, Espainiako Futbol Federazioaren baimena eta aldeek integraziorako hitzartutako baldintzak barne hartzen dituena, lortu ahal izateko.
2- Aldi berean, eta aipatutako eskaera baldintzatuari dagokionez, EFFak planteatzen du FIFAko eta UEFAko organo eskudunek irizpen arrazoitu bat eman dezatela. Irizpen horretan, zehaztuko da zer baldintza eta betekizun bete behar diren EFFaren kasu zehatzean, bi erakundeetan behin betiko onartzeko, gaur egun ez dituela betetzen ulertzen baita.
3- EFFak konpromiso irmoa, jarrera osoa eta fede ona adierazten ditu alderdi guztien artean adostutako integraziorako aurkezten diren eskakizun guztiak betetzeko dauden oztopoak kentzeko lan egiteko, eta, horrela, Federakunde honek legez ordezkatzen duen Euskal Futbolaren desira historikoa, eskaera honi erantsitako elkarte-akordioan argi eta garbi adierazitako egungo borondatea, gauzatzeko.
Zure interesekoa izan daiteke
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.