Osasunak Alavesen bolada txarra areagotu du (0-2)
Osasunak irabazi egin dio Alavesi LaLigako bosgarren jardunaldian Mendizorrotzan jokatutako euskal derbian, eta ezinegona piztu gasteiztarren zale eta arduradunen artean; izan ere, babazorroek zero punturekin jarraitzen dute lau jardunaldi jokatu eta gero (norgehiagoka bat du jokatzeko, Vila-realen aurka atzeratutako partidari dagokiona).
Jagoba Arrasateren mutilak Alaves baino gehiago izan dira, nahiz eta etxekoek ongi ekin dioten lehiari; alabaina, ez daude animoz oso indartsu, eta partidaren lehen ordu erdia baino lehen euren burua bi golegatik galtzen ikusteak erreakzionatzeko gaitasunik gabe utzi ditu.
Garaipen horrek 8 punturekin jarri ditu gorritxoak, sailkapeneko goiko aldean. Gasteiztarrak, berriz, Javi Callejari begira hasita daude, nahiz eta, printzipioz kreditua duen, iazko denboraldi amaieran mailari eusteko egindako azken txanpa ikusgarriaren ondoren.
Etxeko taldea erasokor zelairatu da, Riojaren bi jaurtiketen bidez, baina Osasunak ere bertikala izan nahi izan zuen. Nafarrek ateratzen zuten hirugarren kornerrean, David Garciak 0-1ekoa egin du, eta, handik gutxira, penaltia iritsi da, Toni Moyak baloia eskuz jotzeagatik.
Bi goleko abantaila izan arren, Osasuna ez da erlaxatu, eta ez dio utzi Alavesi erreakziona zezan; are gehiago, bisitariek izan dute hirugarren gola sartzea.
Fitxa teknikoa:
0 - Alaves: Sivera; Ximo, Laguardia, Miazga, Duarte (Miguel, 77. min); Pina (Loum, 46. min), Toni Moya (Manu García, 63. min), Luis Rioja, Iván Martín (Pellistri, 46. min); Sylla (Guidetti, 63. min) eta Joselu.
2 - Osasuna: Sergio Herrera; Nacho Vidal, Aridane, David García, Manu Sánchez; Torró; Roberto Torres (Martínez, 81. min), Darko (Jaume, 88. min), Moncayola (Oier, 71. min), Rubén García (Iñigo Pérez, 88. min); eta Kike García (Ávila, 81. min).
Golak: 0-1, 22. min: David García. 0-2, 29. min: Roberto Torres, penaltiz.
Epailea: Alejandro José Hernández Hernández. Txartel horiak: Laguardia, Moya, Duarte eta Navarro (Alaves); Roberto Torres eta Torró (Osasuna).
Zure interesekoa izan daiteke
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Iñaki Williamsek ez du Ghanako selekzioan jarraituko
Williams anaietako zaharrenak 28 partida jokatu ditu Afrikako selekzioarekin, eta bi Munduko Txapelketatan eta Afrika Kopa batean parte hartu du.
Bayernek eta Manchester Unitedek garaipena lortu dute eta Erromak berdinketa Txapeldunen Ligako estreinakoan
Bayern Munichek 5-0 jipoitu du Bodo/Glimt, Manchester Unitedek 4-0 garaitu du Sabah, eta Erromak eta Fenerbahçek 1-1 berdindu dute 2026-27ko Txapeldunen Ligako lehen jardunaldian. Como 1907k garaipen argia lortu du Leipzigen aurka, eta Shakhtarrek puntu bat eskuratu du PSVren zelaian.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Imanol Alguacil, Olympiakoseko entrenatzaile berria
Entrenatzaile gipuzkoarrak talde greziarraren agintea hartu du Jose Luis Mendilibarren irteeraren ostean.
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.