Mailari eustea eta Europa lor dezakete Alaves eta Realak; Eibarrek, bizirik irautea
2020-2021eko LaLigako 37. jardunaldiak gauza asko erabaki ditzake: Ligako txapelduna, Europan zeintzuk jokatuko duten eta Bigarren Mailara zeintzuk jaitsiko diren.
Reala-Valladolid
Realak datorren denboraldian Europan jokatzea ziurtatu nahi du eta horretarako Valladolidi irabazi behar dio Reale Arenan. Pucelako taldea estu eta larri dabil, Bigarren Mailara jaistea saihesteko borrokan.
Donostiarrek Eurpa Ligan jokatzeko eskubidea ematen duten bosgarren edo seigarren postua ziurtatu dezakete, Betisek edo Vila-realek euren partidak galduz gero.
Ustezko hamaikakoak:
Reala: Remiro; Gorosabel, Zubeldia, Le Normand, Monreal; Zubimendi, Silva, Guridi; Oyarzabal, Januzaj eta Isak.
Valladolid: Masip; Luis Pérez o Janko, Joaquín, Javi Sánchez, Olaza; Toni Villa, Alcaraz, Míchel, Roque Mesa, Óscar Plano; Weissman.
Epailea: Del Cerro Grande (Madrileko batzordekoa).
Estadioa: Reale Arena.
Ordua: 18.30ean.
Valentzia-Eibar
Eibarrek, berriz, behar-beharrezkoa du garaipena lortzea Valentziaren etxean datorren denboraldian Lehen Mailan jarraitzeko aukerei eusteko. Mestallan ikusleak izango dira, eta hori ez zaio batere gustatu Jose Luis Mendilibar armaginen entrenatzaileari, partida guztiak egoera berdinean jokatzearen aldekoa delako.
Eibarrek Liga amaitzeko geratzen diren bi partidak irabazi behar ditu, Valentziaren aurkakoa eta hurrengo igandean Ipuruan Bartzelonaren aurka jokatuko duena. Valentziak, berriz, puntu bakarra nahikoa du jaitsieraren mamua uxatzeko.
Ustezko hamaikakoak:
Valentzia: Cillessen; Correia o Piccini, Paulista o Diakhaby, Ferro, Guillamón, Gayà; Wass, Soler, Racic; Guedes eta Maxi.
Eibar: Dmitrovic, Correa, Oliveira, Arbilla, Cote, Bryan Gil, Diop, Atienza, Expósito, Kike García eta Muto.
Epailea: Valentín Pizarro Gomez (Madrileko batzordekoa)
Estadioa: Mestalla.
Ordua: 18.30ean.
Alaves-Granada
Alavesi dagokionez, arabarrek asteburu honetan ziurtatu dezakete Lehen Mailan jarraitzea, Mendizorrotzan Granadari irabaziz gero. Andaluziarrek ez dute ezer jokoan.
Javier Callejaren taldeak garaipena lortzen ez badu, beste emaitzen mende egongo litzateke. Horrela, berdinketa ere ona izango litzateke Valladolidek eta Elxek euren partidak galduz gero. Alavesek Granadarekin galtzen badu, berriz, aipatutako biek eta Eibarrek ere galdu egin beharko lukete Gasteizko taldea Lehen Mailan jarraitzeko.
Ustezko hamaikakoak:
Deportivo Alavés: Pacheco; Ximo, Lejeune, Laguardia, Duarte; Battaglia, Tomás Pina, Pellistri, Luis Rioja; Lucas eta Joselu.
Granada: Aarón; Foulquier, Germán, Nehuén, Quini; Gonalons, Yan Eteki, Domingos Quina; Alberto Soro, Antonio Puertas eta Luis Suárez.
Epailea: José María Sánchez Martínez (Murtziako batzordekoa)
Estadioa: Mendizorroza.
Ordua: 18.30ean.
Atletico Madril-Osasuna
Osasunak eragin zuzena izango du Liga txapelketa irabazteko lehian. Gorritxoek Atletico Madril dute aurkari Wanda Metropolitano estadioan. Simeoneren taldeak garaipena behar du eta Real Madrilek San Mamesen berdintzea edo galtzea, igande honetan bertan LaLigako txapeldun izateko. Bestela, titulua azken jardunaldian erabakiko da; orduan, Atleticok Valladoliden jokatuko du, eta Real Madrilek Vila-real hartuko du.
Nafarrek ziurtatuta dute datorren denboraldian Lehen Mailan jokatzea eta Arrasateren taldeak helburu argia du partida honetarako: “aurten eta iaz” “gehien eta nabarmenen” gailendu zaion taldeari irabaztea.
Ustezko hamaikakoak:
Atletico Madril: Oblak; Trippier, Savic, Felipe, Hermoso, Lodi; Llorente, Kondogbia, Koke, Joao Félix o Carrasco; eta Luis Suárez.
Osasuna: Sergio Herrera; Ramalho, Unai García, Roncaglia, Juan Cruz; Torró; Kike Barja, Darko, Moncayola, Jony eta Budimir.
Epailea: Juan Martínez Munuera (Valentziako batzordekoa).
Estadioa: Wanda Metropolitano
Ordua: 18:30ean.
Athletic-Real Madril
San Mamesen, Europako postuetan sartzeko aukera barik dagoen Athleticek Real Madril hartuko du. Madrildarrek Atleticok Osasunaren aurka galtzea behar duteLiga irabazteko aukerekin jarraitzeko. Hala ere, ez lirateke azken jardunaldira arte txapeldun izango. Athleticek irabazi gero, aldiz, titulua eskura izango luke Atletico Madrilek.
Zidanen taldeak 16 jardunaldi daramatza partidarik galdu gabe, baina bilbotarren aurka galdu zuten Superkopako finalerdian. Athleticek, gainera, ligagatik lehian diren Atletico eta Sevilla taldeei irabazi die azken asteetan.
Ustezko hamaikakoak:
Athletic: Unai Simón; De Marcos, Unai Nuñez, Íñigo Martínez, Balenziaga; Berenguer, Vencedor, Dani García, Morcillo; Raúl García eta Villalibre.
Real Madril: Courtois; Odriozola, Militao, Nacho, Marcelo; Casemiro, Fede Valverde, Modric; Marco Asensio, Hazard eta Benzema.
Epailea: Antonio Mateu Lahoz (Valentziako batzordekoa)
Estadioa: San Mames
Ordua: 18.30ean
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi behar izan zuen neurketa hasi eta bi minutu eskasera.
F Liga abuztuaren 29an hasiko dute Realak eta Eibarrek eta 30ean Athleticek eta Alavesek
Abuztuaren 29an, larunbatean, talde txuri-urdinak Logroño United hartuko du, eta talde armaginak, Espanyol. Bestalde, lehoiek FC Badalona izango dute aurkari etxean, hilaren 30ean, igandean, eta Alavesek, Valentzia.
Miguel Rodriguez: “Entrenatzaileak eskatutako postuan, eroso izango naiz: bigarren aurrelari, eskuineko hegalean…”
Alavesen fitxaketa berria Herbehereetako Utrecht taldetik iritsi da Gasteizera, eta astelehenean aurkeztu dute. Miguel Rodriguezek ilusio handia du euskal taldean aritzeko aukeragatik.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Infantinok bertan behera utzi du FIFA inbertitzaile pribatuei irekitzeko proiektua
FIFAko presidenteak proposamena erretiratu du, hainbat konfederazio eta federazio, UEFA barne, aurka agertu ondoren.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.