Atleticok eta Italiako taldeek ere uko egin diote Superligari
Atletico Madrilek, Inter Milanek, AC Milanek eta Juventusek ere Europako Superligari uko egingo diotela iragarri dute asteazken honetan, asteartean erabaki bera hartu zuten Ingalaterrako sei taldeekin bat eginez.
Madrilgo klubak, bere administrazio kontseiluaren bileraren ostean, oharra plazaratu du hartutako erabakiaren berri emateko. "Superligari eta gainerako klub sortzaileei formalki jakinaraztea erabaki du, azkenean, proiektuarekin bat ez egiteko erabakia", dio aipatu oharrak.
Talde zuri-gorriak azaldu duenez, egun ez da betetzen Superligaren proiektuarekin bat egitea erabaki zuenean zegoen “testuingurua”, eta, beraz, albo batera uztea erabaki du.
Inter Milan taldeak ere jarrera bera hartu du, eta kluba dagoeneko ez dela "Superligaren proiektuaren parte" baieztatu du ohar baten bidez.
"Zaleei futbol-esperientziarik onena emateko konpromisoa hartu dugu beti; berrikuntza eta inklusioa gure DNAren parte dira jaio ginenetik. Futbola hobetzeko interesa duten alderdiekin dugun konpromisoa ez da inoiz aldatuko", gaineratu du.
Behin Interrek Superligako kide izateari uko eginda, proiektuan parte hartzen zuten Italiako gainerako bi klubek (AC Milan eta Juventus) ere euren oharrak plazaratu dituzte.
Hala, AC Milanen esanetan, "Mundu osoko zaleen ahotsak eta kezkak argi eta garbi azaldu dira Superligari buruz, eta AC Milanek sentibera izan behar du kirol zoragarri hau maite dutenen ahotsarekiko".
Juventusek proiektuan sinesten du, baina ez orain
Juventusek aurkeztutako komunikatuaren zentzua, ordea, bestelakoa izan da; izan ere, Superligako "proiektuaren sendotasunaz konbentzituta" dago, baina "proiektua jatorrian sortutako moduan osatzeko aukera gutxi" daudela uste du.
Atletico, Inter, Milan eta Juventus igande gauean ezagutzera eman zuten Europako Superliga proiektu berriaren 12 talde sortzaileetako lau ziren, Real Madril eta Bartzelonarekin batera, besteak beste.
Ingalaterrako taldeen errefusa
Arsenal, Chelsea, Liverpool, Manchester City, Manchester United eta Tottenham Hotspur Ingalaterrako taldeak ere liga berri horren parte ziren, baina astearte iluntzean uko egin zioten asmo horri.
Zure interesekoa izan daiteke
Infantinok bertan behera utzi du FIFA inbertitzaile pribatuei irekitzeko proiektua
FIFAko presidenteak proposamena erretiratu du, hainbat konfederazio eta federazio, UEFA barne, aurka agertu ondoren.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Franco Baresi 80ko eta 90eko hamarkadetako Italiako futbolaren mitoa hil da
Erdiko atzelariak Europako 3 Kopa eta Italiako 6 Liga irabazi zituen AC Milanekin, eta 1982an munduko txapeldun izan zen, Espainian jokatutako Munduko Txapelketan.
UEFA, Infantinok Munduko Txapelketa pribatizatzeko dituen asmoei aurka egiteko prest
Europako futbol erakunde nagusiak eta bere 55 federazioek iragarri dute ez dutela FIFAren lehiaketetan parte hartuko. "Munduko Kopa ez dago salgai, ezin da inbertsio produktutzat hartu", adierazi du UEFAk FIFAren asmoei buruz.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.